भजनमैं 9:14 - परमेश्‍वरए ताँ तमु क्युइर

¹⁴ यरूशलेमर्बै तगररि ङइ क्हिए मिं थेब लरिमा क्हिजी ङलाइ जोगेमिंबइले ङ सैं तोंसि चर टिल् योंरिगे बिसि ङ कालए सुँउँइँले फ्रेमिंन्।

भजनमैं 9:14 ပူးပေါင်းရင်းမြစ်များ

भजनमैं 106:2

याहवेहजी लबै थेबै केमैंए बयन खाबइ लल् खाँमुँ? “खी कति थेब मुँ!” बिसि खीए बयन खाबइ लल् खाँमुँ?

भजनमैं 13:5

दिलेया क्हिए खोंयोंइ आनुबै म्हाँयार ङइ सैं केंइमुँ, क्हिजी ङ जोगेमिंबइले ङए सैं तोंब्मुँ।

भजनमैं 20:5

क्हिजी ट्‍होमा ङि सैं तोंदै क्हिए जय-जय लब्मुँ, धै ङिए परमेश्‍वरए मिं क्वेदै ङि ह्रोंसए झन्डा क्वेब्मुँ। याहवेहजी क्हिइ ह्रिबै तोन्दोंरि सैमैं पिंरिगे।

भजनमैं 21:1

ओ याहवेह, क्हिजी शक्‍ति पिंबइले म्रुँ सैं तोंइमुँ। धै क्हिजी ट्होगों लमिंबइले खी बेल्‍ले सैं तोंसि उफर्दिइमुँ।

भजनमैं 22:22

ङए अलिमैंए उँइँर क्हिजी लबै छ्याँबै केमैंए बयन लदै ङ क्हिए मिं थेब लब्मुँ। ल्हें म्हि च्होंबै क्ल्ह्‍योरै या ङ क्हिलाइन थेब् लब्मुँ

भजनमैं 22:25

ल्हें म्हि च्होंबै क्ल्ह्‍योर ङए छ्याँबै बयन तल् पिंब क्हिन् ग, छतसि क्हिलाइ मान लब्मैंए उँइँर बाछा फैसि लम् बिबै के ङइ पूरा लब्मुँ।

भजनमैं 35:18

म्हिमैं च्होबै क्ल्ह्‍योर ङइ क्हिलाइन धन्यबाद पिंम्; छलेन ल्हें म्हिए म्हाँजोरै या ङइ क्हिए मिंन् थेब् लब्मुँ।

भजनमैं 35:9

ङ बिस्याँ याहवेहनेन् सैं तोंब्मुँ, छले खीजी ङलाइ जोगेमिंबइले ङए सैं बेल्‍ले तोंब्मुँ।

भजनमैं 42:4

सैं तोंदै धन्यबाद पिंबै म्हिमैंए चिब ङ तल। छतसि परमेश्‍वरए मिं क्वेबर ह्‍याबै ल्हें म्हिमैंने क्ह्रिसि ङइ चमैंलाइ परमेश्‍वरए धिंउँइँ बोब्रें लमल। चु ताँमैं मैंरिमा ङए सैं बेल्‍ले नम्।

भजनमैं 51:12

क्हिजी पिंबै मुक्‍तिउँइँले धबै ङ सैं तोंन् लमिंन्, धै आछ्याँबै केमैं या लदा आङ्हाँबै सैं पिंन्।

भजनमैं 51:15

ओ याहवेह, ङलाइ पोंल् ह्रब् लमिंन्, धै ङइ क्हिए मिंन् थेब् लब्मुँ।

भजनमैं 6:3

ङए सो खैता-खैता तइमुँ! ओ याहवह, खोंयों समा पैंरिब् जा, खोंयों समा?

भजनमैं 75:9

दिलेया खीजी लबै थे-थेबै केमैंए बयन ङ खोंयोंन् बिले लब्मुँ; याकूबए परमेश्‍वरए मिं क्वेसि ङ क्वे प्रिंब्मुँ,

भजनमैं 79:13

छ लमा ङि, क्हिए म्हिमैं, क्हिए खर्गर्बै क्युमैं ग। छतसि ङि खोंयोंन् बिलै क्हिए मिं क्वेब्मुँ; पुस्त-पुस्त समा ङिइ क्हिए छ्याँबै बयन लब्मुँ।

प्रस्थान 3:7

झाइले याहवेहजी बिइ, “मिश्रर मुँबै ङए म्हिमैंइ योंबै दुःख ङइ म्रोंइमुँ। धै के ल्हैदिबै चिब्मैंइ दुःख पिंमा चमैंइ ग्वार ह्रिबै या ङइ थेइमुँ। चमैंइ दुःख योंब ङइ सेइमुँ।

प्रस्थान 3:9

तोगो इस्राएलीमैंइ ग्वार ह्रिब ङइ थेइमुँ। मिश्रीमैंइ चमैंलाइ ह्रुगुदिसि दुःख पिंब ङइ म्रोंइमुँ।

लूका 1:47

ङलाइ जोगेमिंबै परमेश्‍वरने बालु ङ बेल्‍ले सैं तोंम्।