भजनमैं 9:13 - परमेश्‍वरए ताँ तमु क्युइर

¹³ ओ याहवेह, ङ फिर दयाम्हाँया लमिंन्! ङ्ह्‍योत्ति, ङलाइ आखोब्मैंउँइँले ङइ बेल्‍ले दुःख योंल् त्हुइमुँ। छतसि कालए सुँउँइँले ङलाइ जोगेमिंन्।

भजनमैं 9:13 ပူးပေါင်းရင်းမြစ်များ

उत्पत्ति 4:10

याहवेहजी बिइ, “क्हिइ छाबै आछ्याँबै के तले लल? क्हिए अलिए कोइ सउँइँले ङने ग्वार ह्रिरिइमुँ।

उत्पत्ति 4:9

छतमा याहवेहजी कयिनने “क्हिए अलि हाबिल खनिर मुँ?” बिसि ङ्योएमा चइ बिइ, “तुसि! ङइ आसे। ङ ङए अलिए प्ह्रोंछैं वा?”

भजनमैं 10:12

ओ याहवेह रेत्ति! क्हिए यो क्वेदु, ल्होब्मैं खाबै आरेब्मैंलाइ आम्‍लेमिंन्।

भजनमैं 107:18

चमैंलाइ चबै सैमैं तिफुँइ चदा आङ्हाँ। छतसि चमैं सिबिन् छेल।

भजनमैं 119:132

क्हिए मिं म्हाँया लब्मैंए फिर क्हिजी ल्हयो लब् धोंले ङए फिर दयाम्हाँया लसि ङ ङाँइ तोमिंन्।

भजनमैं 119:153

क्हिए ठिम ङइ आम्‍लेइमुँ, छतसि ङए दुःख ङ्ह्‍योमिंसि ङ फ्रेमिंन्।

भजनमैं 12:6

याहवेहजी फैबै बाछामैं खोट आरेब मुँ, सए कोदर मिइ ङिखे समा खारिदिबै चाँदि धोंब खीजी फैबै बाछा मुँ।

भजनमैं 13:3

ओ याहवेह ङए परमेश्‍वर, ङए फिर मि ङ्‍ह्‍योमिंन्, धै ङने ज्वाफ पिंन्, ङलाइ धबै भों पिंन्, आस्याँ ङ क्रोंर फेब्मुँ।

भजनमैं 142:6

ङइ ग्वार ह्रिब थेमिंनु, तलेबिस्याँ ङ थेबै दुःखर फेइमुँ! ङलाइ ल्हाब्मैंउँइँले जोगेमिंनु, तलेबिस्याँ चमैं ङ भन्दा बेल्‍ले भोंब मुँ!

भजनमैं 25:19

ङ्ह्‍योत्ति, ङए शत्तुरमैं कति ल्हें मुँ, चमैंइ ङलाइ बेल्‍ले हेल् लम्।

भजनमैं 30:3

ओ याहवेह, क्हिजी ङए सोलाइ क्रोंउँइँले तेमिंइ, धै सिसि क्रोंर ह्‍याब्मैंउँइँले ङलाइ जोगेमिंइ।

भजनमैं 38:19

ङए शत्तुरमैं बेल्‍ले भोंब्मैं मुँ, तोन्-तोर्न ङलाइ हेल लब्मैं ल्हेंन् मुँ।

भजनमैं 51:1

ओ परमेश्‍वर, क्हिए खोंयोंइ आनुबै म्हाँयाइ ङए फिर ल्हयो खमिंन्। क्हिजी लबै थेबै म्हाँयाउँइँले ङए पापमैं त्होमिंन्।

भजनमैं 56:13

तलेबिस्याँ छ्ह योंब्मैंए फिर परमेश्‍वरए ह्‍वे चारब् धोंले ङए फिरै या क्हिए ह्‍वे चारमिंन्; ङ क्हिए उँइँर छेनाले प्ररिगे बिसि क्हिजी ङए प्हले थुरसि क्हुरल् आपिं, धै कालए सुँउँइँले या क्हिजी ङ फ्रेपखइ।

भजनमैं 86:13

तलेबिस्याँ ङए फिर क्हिए खोंयोंइ आनुबै म्हाँया बेल्‍ले थेब मुँ; धै क्हिजी ङए सो क्रोंर्बै गैरु क्ल्ह्‍योउँइँले फ्रेमिंइमुँ।

यूहन्‍ना 2:6

यहूदीमैंए छ्यार चोखो तबै ल्हागिरि क्यु ल्हें चैदिमल। छतसि प्र लिटरदे क्यु त्हेबै युँमाए कुँइँडि टुग्लो चर थेंल।