भजनमैं 88:7 - परमेश्‍वरए ताँ तमु क्युइर

⁷ क्हिए ह्रिसइ ङलाइ प्लेथेंइमुँ, धै क्हिजी ह्रोंसए ह्रिसइ ङलाइ दु:ख पिंइमुँ। तिस्याँदे मैंन्

भजनमैं 88:7 ပူးပေါင်းရင်းမြစ်များ

भजनमैं 102:10

धै मिग्लि कोंबै क्यु थुँइमुँ। तलेबिस्याँ क्हिजी ङलाइ क्वेसि तिराइ भ्योंवाइमुँ।

भजनमैं 32:4

तलेबिस्याँ त्हिंयाँ म्हुँइँस क्हिजी ङलाइ थेबै दण्ड पिंइ। छतसि ख्वालबै त्हेर्बै त्हिंयाँइ ख्रोंब् धोंले ङए ज्युर्बै भों खाँयाल। तिस्याँदे मैंन्

भजनमैं 38:1

ओ याहवेह, क्हि ह्रिस खमा ङलाइ आहौदिद्, धै क्हिए लल ह्रिसर ङलाइ दण्ड आपिंन्।

भजनमैं 42:7

मा ङ्युँइए क्यु प्ल्होंइ खमा क्हिए ताँन् क्युए भेल्गमैं नेरो मा ङ्युँइर्बै क्युमैंइ ङए सैं खैता-खैता ङ्हाँन् लवाइमुँ।

भजनमैं 69:3

ल्होमिंन् बिसि ओरन-ओरन ङ नारइमुँ; ङए म्‍लोंगो कारयाइमुँ। ङए परमेश्‍वरए घ्याँ ङ्ह्‍योन-ङ्ह्‍योन् ङ‍ए मि छेनाले म्रोंल् आखाँब् तइमुँ।

भजनमैं 90:7

क्हिए ह्रिसर ङि नास तइमुँ, क्हि थेबै ह्रिस खमा ङि ङ्हिंम्।

योना 2:3

मा ङ्युँइए म्हाँजोर क्हिजी ङलाइ भ्योंवाइ, धै नाँ बाढिइ ङ कारर्ग्यु लइ; क्हिजी बनेबै छालमैं नेरो क्युए भेल्गमैं ङलाइ हुवाइ।

योना 2:4

झाइले ङइ बिइ, क्हिजी ङलाइ ल्हावाइ; दिलेया क्हिए पबित्र मन्दिरउँइँ ङ धबै ङ्ह्‍योम्।

यूहन्‍ना 3:36

परमेश्‍वरए च्‍हए फिर बिश्‍वास लब्मैंने खोंयोंइ आनुबै छ्‍ह मुँ। परमेश्‍वरए च्हइ बिबै ताँ आङिंब्मैंइ खोंयोंइ आनुबै छ्‍ह योंल् आखाँ, दिलेया परमेश्‍वरए दण्ड खोंयोंइ बिलै चए फिर तरिम्।”

१ पत्रुस 2:24

ङ्यो पापए ल्हागिर सिसि आछ्याँबै के लब् पिसि छ्याँबै के लदै छ्ह थोरिगे बिसि ङ्योइ लबै पापए सजैं खीए ज्युर नोसि ख्रीष्‍ट क्रूसर सिमिंइ। खीजी चबै चोटउँइँलेन् क्‍हेमैं सयाइमुँ।