भजनमैं 88:4 - परमेश्‍वरए ताँ तमु क्युइर

⁴ क्रोंर फेनेबै म्हि धोंन् ङ तइमुँ; भों आरेबै म्हि धोंन् ङ तइमुँ।

भजनमैं 88:4 ပူးပေါင်းရင်းမြစ်များ

भजनमैं 143:7

ओ याहवेह, ङइ ग्वार ह्रिब युनन् थेमिंन्, ङए सैं खैता-खैता तइमुँ! ङने बालु क्हिए लि आलोमिंनु, आस्याँ ङ क्रोंर फेनेब्मैं धोंन् तब्मुँ।

भजनमैं 28:1

ओ याहवेह, ङ लोबै पारा, क्हिनेन् ङ ग्वार ह्रिमुँ, ङइ ग्वार ह्रिमा आथेब् धों आलमिंन्, क्हिजी ङए ताँ आथेमिंस्याँ, सिसि क्रोंर ह्‍याब्मैं धों ङ तब्मुँ।

भजनमैं 30:9

“ङ सियास्याँ क्हिलाइ तो फायदा तमुँ? ङ क्रोंर ह्‍यामा क्हिलाइ तो फायदा तमुँ? स त्हुलइ क्हिलाइ थेब् लम् रो वा? क्हि भर लल् खाँबै परमेश्‍वर ग बिसि स त्हुलइ क्हिए बयन लम् रो वा?

भजनमैं 31:12

सियाबै म्हिलाइ म्‍लेब् धोंले ताँनइ ङ म्‍लेयाइमुँ; ङ फतियाबै भाडो धोंन् तइमुँ।

योना 2:6

ङम् क्यु न्होंर्बै कोंमैंए तेंर्न फेनेल। चर क्रोंइ ङलाइ त्होंल् आपिं; दिलेया ओ ङए याहवेह परमेश्‍वर, क्हिजी ङ क्रोंउँइँले तेइरि पखइ।

रोमी 5:6

तलेबिस्याँ मुक्‍ति योंबर ङ्योइ तोइ लल् आखाँमै या ख्रीष्‍ट ह्रोंसन् युसि पापिमैंए पाप त्होमिंबर ठिक त्हेर सिमिंइ।

२ कोरिन्थी 1:9

तारेम् च्हगन् तइ ङिम् सिबन् मुँन बिब् समन् ङिइ मैंयाल। दिलेया ङिइ ह्रोंसए फिर भर आलरिगे बरु सिब्‍मैंलाइ सोगों लमिंबै परमेश्‍वरए फिर भर लरिगे बिसि छ तब् मुँन।

२ कोरिन्थी 13:4

तलेबिस्याँ भों आरेबै म्हि धों तसि खी क्रूसर च्‍योसि सिइ, दिलेया परमेश्‍वरए शक्‍तिजी खीलाइ धबै सोगों लमिंइ। येशूने घ्रिन् तमा ङि भों आरेब्मैं तलेया क्‍हेमैं छ्याँब् तरिगे बिबै ल्हागिर परमेश्‍वरजीन् ङिलाइ ख्रीष्‍टजी थोब् धों तबै छ्ह थोबै भों पिंब्मुँ।