भजनमैं 86:8 - परमेश्‍वरए ताँ तमु क्युइर

⁸ ओ प्रभु, क्हि धों तब अरू देवतामैं खाबै आरे, क्हिजी लब् धों तबै केमैं अरू खाबज्यै या लल् आखाँ।

भजनमैं 86:8 ပူးပေါင်းရင်းမြစ်များ

भजनमैं 135:5

याहवेह बेल्‍ले थेब मुँ, छतसि ङ्योए प्रभु ताँन् देवतामैं भन्दा थेब मुँ बिसि ङइ सेइमुँ।

भजनमैं 136:4

खीजी मत्‍त्रे औदिबै थेब-थेबै केमैं लम्। खीए म्हाँया खोंयोंन् बिलै तरिम्।

भजनमैं 89:6

तलेबिस्याँ मुर मुँब्मैं न्होंर याहवेहने बालु खाब् च्हैंल् खाँमुँ? स्वर्गर्बै सो प्ह्‍याबै सैमैं न्होंरै या याहवेह धों तब खाब् मुँ?

भजनमैं 89:7

स्वर्गदूतमैं च्होंबै क्ल्ह्‍योर परमेश्‍वरने बेल्‍ले ङ्हिंल् त्हुम्, धै खीए खागु मुँब्मैंइ खीए मान लल् त्हुम्।

भजनमैं 89:8

ओ स्वर्गर्बै सेनामैंए चिब याहवेह परमेश्‍वर, क्हि धों तब शक्ति मुँब खाब् मुँ? ओ याहवेह, क्हि तोन्दोंरि सैर भर लल् खाँब मुँ।

भजनमैं 95:3

तलेबिस्याँ याहवेह बेल्‍ले थेबै परमेश्‍वर ग, ताँन् देवतामैंए फिर्बै थेबै म्रुँ खीन् ग।

प्रस्थान 15:11

“ओ याहवेह, देवतामैं न्होंर क्हि धों तब खाब् मुँ? बेल्‍ले पबित्र, बेल्‍ले मान लल् त्हुब, औदिबै के लबर क्हि धों तब खाब् मुँ?

प्रस्थान 8:6

छबिमा हारूनइ मिश्रर्बै क्यु मुँबै क्ल्ह्‍योजरे ह्रोंसए यो स्योंमा प्हद्गोमैं त्होंसि मिश्र ह्‍युल हुवाइ।