भजनमैं 86:7 - परमेश्‍वरए ताँ तमु क्युइर

⁷ ङए दुःखए त्हिंइर ङ क्हिने ग्वार ह्रिमुँ, तलेबिस्याँ क्हिजी ज्वाफ पिंब्मुँ।

भजनमैं 86:7 ပူးပေါင်းရင်းမြစ်များ

भजनमैं 142:1

ओरदै ङ याहवेहने ग्वार ह्रिमुँ, ङए फिर ल्हयो खमिंन् बिसि थेबै कै तेदै ङइ याहवेहने यो छ्युँ लम्।

भजनमैं 142:3

ङए सैं च्योंब् तमा ङइ तो लल् त्हुम् बिब क्हिजी सेम्! ङ प्रबै घ्याँर म्हिमैंइ ङए ल्हागिर ङो चुइमुँ।

भजनमैं 17:6

ओ परमेश्‍वर, ङ क्हिनेन् प्राथना लम्, तलेबिस्याँ क्हिजी ङइ ह्रिबै सै पिंम्, क्हिए न्ह ङ ङाँइ तोमिंनु, धै ङइ बिबै ताँ थेमिंन्।

भजनमैं 18:6

ङए सैंरै आमैंबै दुःखमैं ङए फिर तखमा ङइ याहवेहने ग्वार ह्रिइ, छले ल्होमिंन् बिसि ङए परमेश्‍वरलाइ हुइमा खीजी ह्रोंसए टिबै क्ल्ह‍योउँइँले ङए ताँ थेमिंइ।

भजनमैं 50:15

धै दुःख तबै त्हेर ङने ग्वार ह्रिद्; ङइ क्हि दुःखउँइँले फ्रेमिंब्मुँ, झाइले क्हिइ ङए मिं थेब् लब्मुँ।”

भजनमैं 91:15

चइ ग्वार ह्रिमा ङइ चलाइ ज्वाफ पिंब्मुँ; चए दुःखर ङ चने बालु तब्मुँ; चए दुःखउँइँले ङइ फ्रेमिंब्मुँ, धै चलाइ थेब् लब्मुँ।

योना 2:2

छ बिइ: “थेबै दु:ख तसि ङइ याहवेहने ग्वार ह्रिइ, धै खीजी ङने ज्वाफ पिंइ; क्रोंर्बै गैरो क्ल्ह्‍योउँइँले ङइ ग्वार ह्रिइ, धै क्हिजी ङए कै छेनाले थेमिंइ।

लूका 22:44

च त्‍हेर येशूए सैंर बेल्‍ले दुःख मुँल। छतमा यो छ्युँ लदै खीजी प्राथना लरिमा खीए छैब् थे-थेब कोए थब्लो धों तब सर तेरिल।

हिब्रू 5:7

येशू ह्‍युलर मुँमा खीलाइ सिबउँइँले सोगों लमिंल् खाँबै परमेश्‍वरने बेल्‍ले क्रोदै थेबै कैले प्राथना लइ। खीजी छले सैं न्होंउँइँले यो छ्युँ लसि प्राथना लबइले परमेश्‍वरजी खीए प्राथना थेमिंइ।