भजनमैं 86:2 - परमेश्‍वरए ताँ तमु क्युइर

² क्हिजी बिबै ताँ ङइ ङिंम्, ङलाइ रक्षा लमिंन्। क्हि ङए परमेश्‍वर ग। छतसि क्हिए के लबै म्हिलाइ जोगेमिंन्, ङइ क्हिए फिर भर लम्।

भजनमैं 86:2 ပူးပေါင်းရင်းမြစ်များ

भजनमैं 119:94

क्हिजी ल्हैदिबै केमैं ङइ लसिन् मुँ; ङ जोगेमिंनु तलेबिस्याँ ङ क्हिलन् ग।

भजनमैं 13:5

दिलेया क्हिए खोंयोंइ आनुबै म्हाँयार ङइ सैं केंइमुँ, क्हिजी ङ जोगेमिंबइले ङए सैं तोंब्मुँ।

भजनमैं 143:12

ङए फिर क्हिए म्हाँया खोंयोंइ आनुल्‍ले मुँ, छतसि ङए शत्तुरमैं सैवाद्, धै ङए फिर दु:ख पिंब्मैं ताँनलाइ नास लवाद्, तलेबिस्याँ ङ क्हिए केब्छैं ग।

भजनमैं 16:1

ओ परमेश्‍वर, ङ जोगेमिंन्, तलेबिस्याँ ङ क्हिए प्हलेर ग्वार योंबर खइमुँ।

भजनमैं 18:19

खीजी ङ खाबज्यै तोइ लल् आखाँबै क्ल्ह्‍योर पखसि ङलाइ जोगेमिंइ, तलेबिस्याँ खी ङने बालुन् सैं तोंल।

भजनमैं 25:2

ओ ङए परमेश्‍वर, ङइ क्हिए फिर्न भर लइमुँ, ङलाइ फा पिन् आलमिंन्, ङए शत्तुरमैं ङए फिर ट्होगों तल् आपिंन्।

भजनमैं 31:1

ओ याहवेह, ङ खोंयोंइ फा पिल् आत्हुरिगे बिसि ङ क्हिए प्हलेर ग्वार योंबर खइमुँ। क्हि ठिक के लबै परमेश्‍वर ग। छतसि ङलाइ जोगेमिंन्!

भजनमैं 31:14

दिलेया ओ याहवेह, ङइ क्हिए फिर्न भर लइमुँ; ङइ बिमुँ: “क्हिन् ङए परमेश्‍वर ग।”

भजनमैं 37:28

तलेबिस्याँ ठिक निसाफ लबै म्हिमैंलाइ याहवेहजी खोम्; खीए म्हिमैं खीजी पिरिब् आरे। चमैंलाइ खोंयोंन् बिलै खीजी जोगेसि थेंमुँ, दिलेया दुष्‍ट म्हिमैंए सन्तान बिस्याँ नास लवाब्मुँ।

भजनमैं 4:3

दिलेया याहवेहजी खीजी बिब् ङिंब्मैंलाइ ह्रोंसए ल्हागिर स्यो लथेंइमुँ बिब क्हेमैंइ सेद्; ङइ ग्वार ह्रिमा याहवेहजी थेब्मुँ।

भजनमैं 50:5

“ख्रो पिंसि ङने बाछा फैब नेरो ङलाइ क्वेंबै म्हिमैं ङ ङाँर पखो।”

यूहन्‍ना 12:26

“ङए सेवा लदा ङ्हाँब्मैं ङए लिलि प्ररिगे। छलमा ङ खनिर टिमुँ, ङए सेवा लब्मैं चर्न तब्मुँ। ङए सेवा लब्मैंलाइ ङए आबाजी मान लब्मुँ।”

यूहन्‍ना 17:11

तारे ङ क्हि ङाँर खसिन् मुँ। ङ चु ह्‍युलर ल्हें आटि, चुमैं बिस्याँ चु ह्‍युलर्न टिम्। ओ पबित्र आबा, ङ्यो घ्रि तब् धोंलेन् क्हिजी ङने पिंब्मैं या घ्रिन् तरिगे बिसि क्हिए मिंए शक्‍तिउँइँले चमैं जोगेसि थेंमिंन्।

रोमी 9:18

छले परमेश्‍वरजी खीजी ल्हयो खदा ङ्हाँब्‍मैंए फिर ल्हयो खम्, धै सैं सारो लमिंदा ङ्हाँब्‍मैंलाइ खीजी सैं सारो लम्।