भजनमैं 83:3 - परमेश्‍वरए ताँ तमु क्युइर

³ चमैंइ स्योर तेसि क्हिए म्हिमैंलाइ ङो चुइमुँ, क्हिए खोबै म्हिमैंए बिरोधर चमैंइ ताँ लइमुँ।

भजनमैं 83:3 ပူးပေါင်းရင်းမြစ်များ

भजनमैं 10:9

झ्याडिए न्होंर लोसि पैंरिबै सिंह धोंले, ल्होबै म्हि खाबै आरेब्मैं क्हाबर च क्होइ टिम्, ल्होबै म्हिमैं खाबै आरेब्मैंलाइ चइ ह्रोंसए जालर चैं बोम्।

भजनमैं 2:1

अरू ह्रेंमैंइ तले जाल रोमुँ? धै म्हिमैंइ तोन् तोर्बै ताँमैं तले मैंम्?

भजनमैं 27:5

तलेबिस्याँ दुःख तमा खीजी खी टिबै क्‍ल्‍ह्‍योर ङलाइ जोगेसि थेंमिंब्मुँ, खीए पबित्र तम्बु न्होंर खीजी ङ लोसि थेंमिंब्मुँ, धै थेबै पाराए फिर खीजी ङ नुल्‍ले थेंमिंब्मुँ।

भजनमैं 31:20

क्हि टिबै रक्षा योंबै क्‍ल्‍ह्‍योर क्हिजी म्हिमैंए जालउँइँले चमैंलाइ लोसि थेंमिंमुँ। चमैंलाइ छ्याब् ल्हैदिबै लेमैंउँइँले क्हिजी चमैं ह्रोंस टिबै क्‍ल्‍ह्‍योर जोगेसि थेंमिंब्मुँ।

भजनमैं 56:6

ङइ आसेल्‍ले चमैंइ ङए बिरोधर आछ्याँबै चाँजो लम्; चमैंइ ङ प्रबै घ्याँ ङ्ह्‍योमुँ; ङ सैब् बिसि चमैं च्ह्‍याइ टिम्।

भजनमैं 64:2

ङए बिरोधर ङइ आसेल्‍ले दुष्‍टमैंइ लबै चाँजोमैं नेरो आछ्याँबै के लब्मैंइ ङए बिरोधर रोबै जालउँइँले ङलाइ लोथेंन्।

भजनमैं 91:1

ताँन् भन्दा थेबै परमेश्‍वरने ग्वार ह्रिबै म्हि तोन्दोंरि लल् खाँबै परमेश्‍वरए छरि न्होंर टिरिब्मुँ।

प्रस्थान 1:10

चमैं ल्हें ततै ह्‍याब्मुँ, धै खनिज्यै प्होंब-नेब तस्याँ चमैं ङ्योए शत्तुरमैंने क्ह्रिसि ङ्योए बिरोधर प्होंब-नेब लब्मुँ धै चु ह्‍युल पिसि ह्‍याब्मुँ। छतसि तारे ङ्योइ च्हैंसि मैंसि चमैंने बालु के लल् त्हुम्।”

कलस्सी 3:3

तलेबिस्याँ क्‍हेमैं चु ह्‍युलए ल्हागिर सिल् खाँइमुँ, धै क्हेमैंए क्ह्रोंसेंन्बै छ्ह ख्रीष्‍टने बालुन् परमेश्‍वर ङाँर लोथेंइमुँ।