भजनमैं 83:2 - परमेश्‍वरए ताँ तमु क्युइर

² ङ्ह्‍योत्ति, क्हिए शत्तुरमैं सयो खब् धों तइमुँ, क्हि आखोब्मैंइ क्र कैंडो लइमुँ।

भजनमैं 83:2 ပူးပေါင်းရင်းမြစ်များ

भजनमैं 109:1

ओ परमेश्‍वर, ङ क्हिए मिं क्वेब्मुँ, आपोंन्ले आटिमिंन्!

भजनमैं 74:23

क्हिए बिरोधीमैं ओरब धै क्हिए शत्तुरमैं प्होंब नेब लदै ह्‍याब आम्‍लेमिंन्!

भजनमैं 74:4

क्हिजी ङिने त्होबै क्‍ल्‍ह्‍योर क्हिए शत्तुरमैं ओरइमुँ; ट्होबै चिनु उँइँबै ल्हागिर चमैंइ ह्रोंसए झन्डा क्योइमुँ।

भजनमैं 81:15

याहवेहलाइ तो धोंइ आङ्हाँब्मैं खी म्रोंसि ङ्हिंमल, दिलेया चमैंइ खोंयोंन् बिलै दण्ड योंरिल् त्हुमल।

भजनमैं 93:3

ओ याहवेह, मा ङ्युँइमैं प्ल्हों खइमुँ, चए भेल्कमैं बेल्‍ले ओरइमुँ, चए थेबै भेल्कमैं प्ल्हों खइमुँ।

मत्ती 27:24

ह्रोंसइ तोइ लल् आखाँब् म्रोंसि झन् खैला-बैला तम् उ बिब् मैंसि चइ म्‍हिमैंए उँइँर क्‍युइ यो ख्रुसि बिइ, “छबिस्याँ चु म्‍हि सैबै छ्याब् ङए फिर आल्‍हैदिरिगे। चलाइ सैबै पापए छ्याब् क्‍हेमैंए फिर्न खरिगे।”

चेला चिब्मैंए केमैं 16:22

छबिमा ल्हें म्‍हिमैं क्ह्रिसि पावल नेरो सिलासए फिर ह्‍वाखइ। सहरर्बै निसाफ लब्मैंइ चमैंए क्वें ट्होवासि भ्योंवाइ, धै चमैं प्हरेइ प्रुद् बिसि ल्हैदिइ।

चेला चिब्मैंए केमैं 17:5

दिलेया कोइ यहूदीमैंइ ह्रिस लसि बजारर्बै बदमासमैं खागु लसि ल्हें म्हि रेसि सहरर खैला-बैला लबर होंइ, धै यासोनए धिंर खैच्हिजिले होंसि पावल नेरो सिलास म्हिमैंए उँइँर पखल् म्हैइ।

चेला चिब्मैंए केमैं 21:30

ताँन् सहरर खैला-बैला तमा ल्हें म्हि न्हेखसि पावल क्हाइ। चमैंइ मन्दिरउँइँले पावल बैरु चैं पखमा खेगिमैंइ युन्ले मन्दिरर्बै म्रामैं तोरावाइ।

चेला चिब्मैंए केमैं 22:22

म्हि हुलइ पावलए ताँ च्हौ समा छेनाले थेइ। दिलेया च लिउँइँ चमैइ “छाबै म्हि पृथ्‍बीउँइँले स्योवाद्। च सोबै लायकर्बै आरे,” बिदै ओरबर होंइ।

चेला चिब्मैंए केमैं 23:10

छले चमैंए सैं ख्रेलसि चर थेबै खैला-बैला तबइले “चमैंइ पावल लाछिवाम्दो!” बिब् मैंसि रोमी पल्टनर्बै चिबइ सिपाइमैंने “क्युरु ह्‍यासि चमैंए म्हाँजोउँइँले पावल पखसि ब्यारेक न्होंर बोद्,” बिसि ल्हैदिइ।