भजनमैं 80:19 - परमेश्‍वरए ताँ तमु क्युइर

¹⁹ ओ याहवेह, क्हि स्वर्गर्बै सेनामैंए चिब, नेरो परमेश्‍वरन् ग! ङिए ह्‍युल धबै भोंब लमिंन्; ङिए फिर लहयो लद्, धै ङि सोब्मुँ।

भजनमैं 80:19 ပူးပေါင်းရင်းမြစ်များ

भजनमैं 27:4

ङइ याहवेहने ताँ घ्रि ह्रिइमुँ, ङइ म्हैबै ताँ चुन् ग: खी टिबै क्ल्ह‍योर ङइ खीलाइ म्हैल् खाँरिगे, ङए छ्ह तिगोंन् याहवेहए धिंर टिल् योंरिगे, धै खीए छ्याँबै केमैं ङ्ह्‍योल् योंरिगे।

भजनमैं 27:9

ओ ङए मुक्‍ति पिंबै परमेश्‍वर! क्हिए मोंड ङ ङाँइँले आलोमिंन्, ह्रिस खमा क्हिए के लबै म्हिलाइ आस्योमिंन्। ङलाइ जोगेमिंबै परमेश्‍वर क्हि ग। छतसि ङलाइ आपिमिंन्।

भजनमैं 31:16

क्हिए लि ह्रोंसए के लबै म्हिए फिर चारमिंन्; खोंयोंइ आनुबै क्हिए म्हाँयाजी ङलाइ जोगेमिंन्!

भजनमैं 44:3

तलेबिस्याँ चमैंइ सेलाँइ नेसि ह्‍युल ट्होब आङिं, धै चमैंइ ह्रोंसए यो पाख्राए भोंइ नेसि ट्होबै या आङिं, दिलेया क्हिए क्योलो योर्बै भों नेरो क्हिए चारबै मोंडए ह्‍वेइन चमैंइ ट्होब् ग, तलेबिस्याँ क्हिजी चमैंए फिर म्हाँया लमल।

भजनमैं 80:1

ओ इस्राएलए प्ह्रोंछैं, न्ह तोमिंन्! तलेबिस्याँ क्युए बगल धोंले क्हिजी योसेफए सन्तानमैंलाइ डोरेम्। क्हि करूबमैंए म्हाँजोर टिम्, छतसि क्हिए शक्ति उँइँमिंन्।

भजनमैं 80:3

ओ परमेश्‍वर, ङिए ह्‍युल धबै भोंब लमिंन्; ङिए फिर लहयो लद्, धै ङि सोब्मुँ।

भजनमैं 80:7

ओ सेनामैंए परमेश्‍वर, ङिए ह्‍युल धबै भोंब लमिंन्; ङिए फिर लहयो लद्, धै ङि सोब्मुँ।