भजनमैं 80:1 - परमेश्‍वरए ताँ तमु क्युइर

¹ ओ इस्राएलए प्ह्रोंछैं, न्ह तोमिंन्! तलेबिस्याँ क्युए बगल धोंले क्हिजी योसेफए सन्तानमैंलाइ डोरेम्। क्हि करूबमैंए म्हाँजोर टिम्, छतसि क्हिए शक्ति उँइँमिंन्।

भजनमैं 80:1 ပူးပေါင်းရင်းမြစ်များ

भजनमैं 45:1

छ्याँबै ताँमैंइ प्लिंसि ङए सैं बेल्‍ले तोंइमुँ; म्रुँए ल्हागिर ङइ प्ह्रिबै कबिता ङ बिमुँ; ङए ले छेनाले प्ह्रिल् ह्रबै म्हिए कलम धों तइमुँ।

भजनमैं 5:1

ओ याहवेह, ङए ताँमैंर न्ह तोमिंन्; ङइ दुःख तबै सो हेंमा क्हिजी थेमिंन्।

भजनमैं 50:1

ताँन् भन्दा थेब शक्‍ति मुँबै याहवेह परमेश्‍वर पोंम्, त्हिंयाँ प्योबै क्ल्ह्‍योउँइँले त्हिंयाँ लिबै क्ल्ह्‍यो समा ह्‍युलर्बै ताँन् म्हिमैंलाइ खीजी हुइम्।

भजनमैं 50:2

बेल्‍ले छ्याँबै सियोनउँइँले बेल्‍ले म्हारल्‍ले परमेश्‍वर चारइमुँ।

भजनमैं 55:1

ओ परमेश्‍वर, ङए प्राथनार क्हिए न्ह तोमिंन्, धै ङइ यो छ्युँ लसि ग्वार ह्रिमा क्हिए लि आलोमिंन्!

भजनमैं 60:1

ओ परमेश्‍वर, क्हिजी ङि पिवाइमुँ, क्हिजी ङि सग्याँ-प्हुँग्या लवाइमुँ; ङि म्रोंसि क्हि ह्रिस खइमुँ, दिलेया तारेम् क्हि ङि ङाँइ तोमिंनु।

भजनमैं 69:1

ओ परमेश्‍वर, ङ जोगेमिंन् तलेबिस्याँ स्योंर्बै क्यु ङए खरि समा फेखइमुँ।

भजनमैं 77:20

मोशा नेरो हारूनए योउँइँले क्हिजी ह्रोंसए म्हिमैं क्युमैंए बगल धोंले डोरेइ।

भजनमैं 78:52

धै खीजी ह्रोंसए म्हिमैं क्युमैं धोंले बैरु तेसि पखइ, धै क्यु बगल धोंले चमैंलाइ क्यु आयोंबै क्‍ल्‍ह्‍योए म्हाँजोउँइँले खीजी डोरेइ।

भजनमैं 78:67

छले खीजी योसेफए सन्‍तानमैं पिवाइ; खीजी एफ्राइमए कुललाइ आत्हाँ,

भजनमैं 80:19

ओ याहवेह, क्हि स्वर्गर्बै सेनामैंए चिब, नेरो परमेश्‍वरन् ग! ङिए ह्‍युल धबै भोंब लमिंन्; ङिए फिर लहयो लद्, धै ङि सोब्मुँ।

भजनमैं 80:3

ओ परमेश्‍वर, ङिए ह्‍युल धबै भोंब लमिंन्; ङिए फिर लहयो लद्, धै ङि सोब्मुँ।

भजनमैं 80:7

ओ सेनामैंए परमेश्‍वर, ङिए ह्‍युल धबै भोंब लमिंन्; ङिए फिर लहयो लद्, धै ङि सोब्मुँ।

भजनमैं 94:1

ओ याहवेह, क्हिजी आछ्याँबै के लब्मैंलाइ दण्ड पिंम्, ह्रोंसए ह्रिस उँइँन्!

भजनमैं 99:1

याहवेहजी ग्याल्स लम्; छतसि ह्रें-ह्रेंमैं त्हाररिगे! करूबमैंए म्हाँजोर खी क्हुँम्; पृथ्बी लारिगे!

यूहन्‍ना 10:14

“छ्याँबै प्ह्रोंछैं ङन् ग। ङइ ह्रोंसए क्युमैं ङो सेम्, धै ङए क्युमैंइ ङलाइ ङो सेम्।

हिब्रू 13:20

परमेश्‍वरजी क्युमैंए क्ह्रोंसेंन्बै छैं ङ्योए प्रभु येशूलाइ खोंयोंन् बिलै तरिबै बाछाए कोउँइँले सिबउँइँले धबै सोगों लमिंइ। तारे म्हिमैंलाइ क्ह्रिल् लमिंबै परमेश्‍वरजी

१ पत्रुस 2:25

क्‍हेमैं क्युमैं धोंले घ्‍याँ फ्ल्येसि प्ररिल। दिलेया तारेम् क्हेमैंलाइ जोगेमिंबै प्ह्रोंछैं ङाँर क्हेमैं एखइमुँ।

१ पत्रुस 5:4

छलस्याँ ताँन् भन्दा मूलि प्‍ह्रोंछैं युबै त्हेर क्‍हेमैंइ खोंयोंइ आङ्योंलोंब नास आतबै छ्याँबै मुकुट योंब्‍मुँ।

दर्शन 21:23

च सहरर मि म्रोंबै ल्हागिर त्हिंयाँ नेरो लयाँ आचैदि, तलेबिस्याँ परमेश्‍वरए ह्‍वे चए फिर चारमुँ, च सहरर्बै बत्ति क्‍यु च्हजन् ग।