भजनमैं 8:2 - परमेश्‍वरए ताँ तमु क्युइर

² कोलोमैं नेरो ङ्‍हे थुँबै कोलो ओंलाँमैंए सुँउँइँले या क्हिजी ह्रोंसए मिंर क्वे प्रिंल् पिंइमुँ। क्हिए शत्तुरमैं नेरो बिरोधीमैंए सुँ म्रुबै ल्हागिर क्हिजी छ लब् ग।

भजनमैं 8:2 ပူးပေါင်းရင်းမြစ်များ

भजनमैं 148:13

चुमैं ताँनइ याहवेहए मिं थेब् लरिगे, तलेबिस्याँ खीए मिं मत्‍त्रे थेब मुँ; पृथ्बी नेरो मु भन्दा याहवेह थेब मुँ।

भजनमैं 4:4

ङ्हिंसि त्हारद् धै पाप आलद्; क्ल्ह्‍योर रोमा ह्रों-ह्रोंसए खोंर चु ताँ मैंन्, धै च्याँ तद्। तिस्याँदे मैंन्

भजनमैं 44:16

ङए बिरोधर राबै शत्तुरमैंइ लमा फापिसि ङइ क्र ओलै आखाँइमुँ।

भजनमैं 46:10

“च्याँले टिद्, धै ङ परमेश्‍वर ग बिसि सेद्। ह्रें-ह्रेंमैंए फिर ङ थेब् तब्मुँ, ताँन् ह्‍युलरै या ङन् थेब् तब्मुँ!” बिसि याहवेहजी बिम्।

भजनमैं 57:6

ङए प्हले क्होसि क्हुरयारिगे बिसि शत्तुरमैंइ जाल तिइमुँ; शोकइ लमा ङए क्र कुरयाइमुँ। ङ प्रल् त्हुबै घ्याँजरे चमैंइ होंल्दों ताइमुँ, दिलेया चमैंइ ताबै होंल्दोंर खेंमैंन् पायाइमुँ। तिस्याँदे मैंन्

प्रस्थान 11:7

छान् तलेया खेदोमैंए बिरोधर मुँले म्हिमैंए बिरोधर मुँले इस्राएलीमैंए म्हाँजोर नगि घ्रि या छुरिब् आरे। छतमा याहवेहजी मिश्रीमैं नेरो इस्राएलीमैंए म्हाँजोर फेलमन बिसि क्हेमैंइ सेब्मुँ।’”

प्रस्थान 15:16

ओ याहवेह, क्हिए म्हिमैं क्योंजा अतर्दिन् समा क्हिजी मिश्रउँइँले फ्रेसि पखबै म्हिमैं क्योंजा आह्‍यान् समा, च ह्रेंमैं ङ्हिंसि त्हारमा क्हिए योर्बै भोंजी चमैं युँमा धोंले क्ल्ह्‍यो घ्रिर्न टिम्।

मत्ती 11:25

च त्हेर्न येशूजी प्राथना लसि “ओ आबा, स्वर्ग नेरो पृथ्‍बीर्बै क्‍ल्‍हे, ङ क्‍हिलाइ धन्‍यबाद पिंम्, तलेबिस्याँ ज्ञान बुद्धि मुँ बिसि ह्रब्-सेब् प्हैंब्मैंउँइँले क्‍हिजी चु ताँमैं लोथेंइ। दिलेया कोलोमैं धों तबै तोइ आसेबै म्‍हिमैंलाइ क्हिजी चु ताँ क्‍होल् लमिंइ।

मत्ती 21:16

“चु कोलोमैंइ बिरिबै ताँ क्‍हिइ थेइमुँ वा?” बिसि येशूने ङ्योएइ। येशूजी बिइ, “थेइमुँ, तले आथेब! ‘च्‍योंबै कोलोमैं नेरो ओलाँ कोलोमैंए सुँउँइँले या परमेश्‍वरजी खीए मिं क्वेबर ल्हैदिइमुँ,’ बिसि परमेश्‍वरए छ्वेर प्ह्रिबै ताँ क्‍हेमैंइ खोंयोंइ आखेइमुँ वा?”

लूका 10:21

च त्‍हेर्न येशू परमेश्‍वरए पबित्र प्ल्हजी प्लिंसि सैं तोंदै बिइ, “ओ आबा, स्वर्ग नेरो पृथ्‍बीर्बै क्‍ल्‍हे क्हिन् ग, ज्ञान मुँब्‍मैं नेरो ह्रब्-सेब्मैंउँइँले लोथेंबै छ्याँबै ताँ कोलोमैं धों तबै तोइ आह्र आसेब्मैंलाइ क्‍हिइ क्होमिंइमुँ। ओ आबा, क्‍हिजी छान् लब छ्याँब ङ्हाँइ। छतसि ङ क्हिलाइ धन्यबाद पिंमुँ।

१ कोरिन्थी 1:27

दिलेया बुद्धि मुँब् प्हैंब्मैंलाइ फा पिन् लवाबै ल्हागिर परमेश्‍वरजी बुद्धि आरेब्मैंलाइ त्‍हाँइ, धै भों मुँब् प्हैंब्‍मैंलाइ फा पिन् लबर परमेश्‍वरजी भों आरेबै म्हिमैंलाइ त्हाँइ।