भजनमैं 8:1 - परमेश्‍वरए ताँ तमु क्युइर

¹ ओ याहवेह, ङिए क्ल्हे, ह्‍युल तिगोंन् क्हिए मिं बेल्‍ले थेब मुँ! क्हिए मिंर क्वे प्रिंब मु भन्दा क्होवाइ थेनेम्।

भजनमैं 8:1 ပူးပေါင်းရင်းမြစ်များ

भजनमैं 145:1

ओ ङए परमेश्‍वर, ङए म्रुँ, ङ क्हिए मिं थेब् लब्मुँ, ङ खोंयोंन् बिलै क्हिलाइ धन्यबाद पिंब्मुँ।

भजनमैं 148:13

चुमैं ताँनइ याहवेहए मिं थेब् लरिगे, तलेबिस्याँ खीए मिं मत्‍त्रे थेब मुँ; पृथ्बी नेरो मु भन्दा याहवेह थेब मुँ।

भजनमैं 36:5

ओ याहवेह, ङिए फिर क्हिजी लबै खोंयोंइ आनुबै म्हाँया स्वर्ग समा फेनेइमुँ, क्हि‍जी बिबै ताँमैं या मु समा भर लल् खाँब मुँ।

भजनमैं 57:5

ओ परमेश्‍वर, क्हि मु भन्दा क्होवाइ मुँ बिसि ताँन् म्हिमैंने उँइँमिंन्; धै ह्‍युल् तिगोंन् क्हिए थेबै मिंए बयन तरिगे!

भजनमैं 63:1

ओ परमेश्‍वर, क्हि ङए परमेश्‍वर ग; ङए सैं न्होंइले क्हिए साँ खरिम्, क्यु आरेसि कारयाबै बाँजो क्‍ल्‍ह्‍योर क्यु पिब्मैंइ क्यु म्हैब् धोंले ङए ज्युइ क्हिलाइन म्हैब्मुँ।

भजनमैं 68:4

परमेश्‍वरए मिंर क्वे प्रिंन्, खीए मिं थेब् लबै क्वे प्रिंन्; न्हाँम्स्योमैंए फिर क्रेसि स्युरबै परमेश्‍वरलाइ थेब् लद्; खीए मिं याहवेह ग; खीए उँइँर सैं तोंन्!

भजनमैं 8:9

ओ याहवेह, ङिए क्ल्हे, ह्‍युल तिगोंन् क्हिए मिं बेल्‍ले थेब मुँ!

भजनमैं 81:1

परमेश्‍वरए मिंर सैं तोंदै क्वे प्रिंन्! खी ङ्योए शक्ति ग, छतसि थेबै कै तेदै याकूबए परमेश्‍वरए जयजय लद्!

भजनमैं 84:1

ओ स्वर्गर्बै सेनामैंए चिब याहवेह, क्हि टिबै क्‍ल्‍ह्‍यो कति छ्याँब मुँ!

प्रस्थान 15:11

“ओ याहवेह, देवतामैं न्होंर क्हि धों तब खाब् मुँ? बेल्‍ले पबित्र, बेल्‍ले मान लल् त्हुब, औदिबै के लबर क्हि धों तब खाब् मुँ?

मत्ती 22:45

छले दाऊदइ खीने प्रभु बिम् बिस्याँ खी खैले दाऊदए च्ह तल् खाँमुँ?”

यूहन्‍ना 20:28

छबिमा थोमाइ खीने “ओ ङए प्रभु, ओ ङए परमेश्‍वर!” बिइ।

एफिसी 4:10

चु पृथ्‍बीर तयुबै म्हि (येशू) ताँन् स्वर्गमैं भन्दा कैंडो क्रेयाइ। तारे खीजी ह्‍युलर मुँबै ताँन् सैमैं खीए सैंर मैंब् धोंलेन् तल् पिंम्।

फिलिप्पी 3:8

च्हौ मत्‍त्रे आङिं, क्ह्रोंसेंन बिब् गो बिस्याँ येशू ख्रीष्‍ट ङए प्रभु ङो सेल् योंबै थेबै ताँ, अरू सैमैंने च्हैंमा ताँन् सैमैं तोगो ङइ फाकर्बै सैमैं धों ङ्हाँम्। तोगो ङइ ख्रीष्‍ट येशूजी पिंबै ताँन् सैमैं योंल् खाँरिगे बिसि खीए ल्हागिर ताँन् सै पिवाइमुँ, च ताँन् सैमैं स त्हुल धोंन् ङ्हाँइमुँ।

हिब्रू 7:26

ङ्योए ल्हागिर छाबै म्हि घ्रि ख्रो पिंबै खेगि क्रथे तल् त्हुम्, तलेबिस्याँ येशू पबित्र, छ्याब् आरेब नेरो तोइ पाप आरेब मुँ। छतसि परमेश्‍वरजी पापि म्‍हिमैंउँइँले स्यो लसि खीलाइ स्‍वर्ग भन्दा ताइ थेंमिंइमुँ।

दर्शन 19:6

च लिउँइँ ङइ धबै कै थेइ। च कै म्‍हि हुलए कै धों तब, क्‍यु छारेए कै धों तब नेरो मु ङ्‌हेब् धों तब मुँल। च कैइ बिइ, “परमेश्‍वरए मिं थेब तरिगे! तलेबिस्याँ याहवेह ङ्योए परमेश्‍वर, ताँन् भन्दा थेबै शक्‍ति मुँबै परमेश्‍वर ग, खीजी ताँन् सैए फिर ग्याल्स लम्।