भजनमैं 79:12 - परमेश्‍वरए ताँ तमु क्युइर

¹² ओ प्रभु, क्हिलाइ प्ह्रसि ङिए ङ्‍हेब् ट्हुब्मैंइ क्हिए मिं वाइमुँ, छतसि चए ङिखे गुणा खी चमैंने किंमिंन्।

भजनमैं 79:12 ပူးပေါင်းရင်းမြစ်များ

उत्पत्ति 4:15

छबिमा याहवेहजी चने बिइ, “छ आङिं! खाबइ कयिन सैमुँ चने बालु ङि गुणा खी किंब्मुँ।” छतसि कयिन स्याब्मैं खाबज्यै आसैरिगे बिसि याहवेहजी चए ज्युर चिनु घ्रि लमिंइ।

भजनमैं 44:16

ङए बिरोधर राबै शत्तुरमैंइ लमा फापिसि ङइ क्र ओलै आखाँइमुँ।

भजनमैं 74:10

ओ परमेश्‍वर, खोंयों समा शत्तुरमैंइ क्हिलाइ प्ह्रब्मुँ? शत्तुरमैंइ खोंयोंइन क्हिए मिंलाइ स्याररिम्‍म?

भजनमैं 89:52

याहवेहए मिं खोंयोंन् बिलै थेब् तरिगे! आमेन धै आमेन।

हितोपदेश 6:31

दिलेया चइ ह्‍योरिब् स्याइ बिस्याँ चइ तिबाँ चवास्याँ ङिबाँ तेंसि फोल् त्हुब्मुँ, चए धिंर्बै ह्रोंसए सै न्होर ताँन् पिंल् त्हुब्मुँ।

लूका 6:38

ह्रोंसने मुँबै सैमैं अरूलाज्यै या पिंन् छलस्याँ खाँदि-खाँदिसि, म्‍युरुरुले ङेयाल्‍ले परमेश्‍वरजी झन् ल्हें सैमैं क्हेमैंलाइ पिंब्‍मुँ। क्‍हेमैंइ खैले क्‍होंएँसि पिमुँ, छलेन परमेश्‍वरजी क्‍हेमैंलाज्यै या क्हों‍एँसि पिंब्‍मुँ।”