भजनमैं 79:10 - परमेश्‍वरए ताँ तमु क्युइर

¹⁰ “चमैंए परमेश्‍वर खनिर मुँ?” बिसि अरू ह्रेंमैंइ तले बिए? क्हिए के लब्मैंए बग्दिबै कोए खी क्हिजीन् किंम् बिसि अरू ह्रेंमैंइ सेरिगे! ङिज्यै या म्रोंरिगे!

भजनमैं 79:10 ပူးပေါင်းရင်းမြစ်များ

भजनमैं 115:2

“चमैंए परमेश्‍वर खनिर मुँ?” बिसि अरू ह्रेंमैंइ तले बिमुँ?

भजनमैं 42:10

ङए ह्रिबमैंर सेलाँइ थोसि घा तब् धोंले ङए शत्तुरमैंइ ङलाइ प्ह्रम्, धै चमैंइ त्हिंइतिमिन् ङने बिरिम्, “क्हिए परमेश्‍वर खनिर मुँ?”

भजनमैं 42:11

ओ ङए सो, क्हि तले आतोंल? धै ङए खों न्होंर क्हि तले च्हतर्ले आदेल? क्हिए आशा परमेश्‍वरने थेंन्; तलेबिस्याँ खी ङलाइ मुक्‍ति पिंबै परमेश्‍वर ग। छतसि ङ अझै खीलाइन थेब् लब्मुँ।

भजनमैं 42:3

ङए मिग्लि त्हिंयाँ म्हुँइँस ङए चबै सै तइमुँ, छाब् म्रोंमा ङए शत्तुरमैंइ “क्हिए परमेश्‍वर खनिर मुँ?” बिसि खोंयोंन् बिलै ङलाइ प्ह्ररिम्।

भजनमैं 42:4

सैं तोंदै धन्यबाद पिंबै म्हिमैंए चिब ङ तल। छतसि परमेश्‍वरए मिं क्वेबर ह्‍याबै ल्हें म्हिमैंने क्ह्रिसि ङइ चमैंलाइ परमेश्‍वरए धिंउँइँ बोब्रें लमल। चु ताँमैं मैंरिमा ङए सैं बेल्‍ले नम्।

भजनमैं 58:11

छाब् म्रोंसि “ठिक के लब्मैंइ क्ह्रोंसेंन इनाम योब् मुँन; धै पृथ्‍बीर ठिक निसाफ लब परमेश्‍वर मुँन,” बिसि म्हिमैंइ बिब्मुँ।

भजनमैं 9:16

याहवेहजी ठिक निसाफ लम् बिब ताँनइ सेइमुँ, दुष्‍टमैं बिस्याँ खेंमैंइ लबै केर खेंमैंन् फसेइमुँ। च्याँ तसि तिस्याँदे मैंन्

भजनमैं 94:1

ओ याहवेह, क्हिजी आछ्याँबै के लब्मैंलाइ दण्ड पिंम्, ह्रोंसए ह्रिस उँइँन्!

प्रस्थान 6:7

ङइ क्हेमैंलाइ ङए म्हिमैं तल् पिंब्मुँ, धै ङ क्हेमैंए परमेश्‍वर तब्मुँ। मिश्रीमैंए कब्छैं तसि टिल् त्हुबइले क्हेमैंलाइ तेइ पखबै ङ याहवेह क्हेमैंए परमेश्‍वर ग बिसि क्हेमैंइ सेब्मुँ

प्रस्थान 7:5

ङइ मिश्र ह्‍युलर ह्रोंसए यो क्वेसि चमैंए म्हाँजोउँइँले इस्राएलीमैं तेइ पखब्मुँ। छलमा मिश्रीमैंइ ङ याहवेह मुँन बिसि सेब्मुँ।”

रोमी 12:19

ओ ङए खोबै अलि-अङाँमैं, ह्रोंसए न्होह्रों लब्मैंने खोंयोंइ खि आकिंन्। चमैंलाइ परमेश्‍वरए ह्रिसर्न पिवाद्, तलेबिस्याँ “खि किंबै के ङल् ग, ङजीन् खि किंब्‍मुँ,” बिसि छ्वेर प्ह्रिइमुँ।

दर्शन 18:20

(ओ स्वर्ग, च सहर थुँयाब् म्रोंसि सैं तोंन्! ओ परमेश्‍वरए म्‍हिमैं, कुल्मिंबै चेला चिब्मैं नेरो अगमबक्‍तामैं क्हेमैं ताँन् सैं तोंन्। तलेबिस्याँ च सहरइ क्‍हेमैं बेल्‍ले दुःख पिंल, छतसि परमेश्‍वरजी चलाइ नास लवाइ।)