भजनमैं 79:1 - परमेश्‍वरए ताँ तमु क्युइर

¹ ओ परमेश्‍वर, अरू ह्रेंमैंइ क्हिए ह्‍युलए फिर ह्‍वाखइमुँ; धै क्हिए पबित्र मन्दिर चमैंइ जुठ लइमुँ; चमैंइ यरूशलेम नास लवाइमुँ।

भजनमैं 79:1 ပူးပေါင်းရင်းမြစ်များ

भजनमैं 50:1

ताँन् भन्दा थेब शक्‍ति मुँबै याहवेह परमेश्‍वर पोंम्, त्हिंयाँ प्योबै क्ल्ह्‍योउँइँले त्हिंयाँ लिबै क्ल्ह्‍यो समा ह्‍युलर्बै ताँन् म्हिमैंलाइ खीजी हुइम्।

भजनमैं 78:71

क्युमैंए छैं लबै केउँइँले दाऊद पखसि खीजी चलाइ याकूबए सन्तानए प्ह्रोंछैं तल् पिंइ, खीजी त्हाँबै इस्राएली म्हिमैंए म्रुँ तल पिंइ।

प्रस्थान 15:17

क्हिजी क्हिए म्हिमैं पखसि ह्रोंसए कोंर थेंब्मुँ। ओ याहवेह, च क्ल्ह्‍योर्न क्हिए ल्हागिर टिबै क्ल्ह्‍यो बनेइ, ओ याहवेह, च पबित्र क्ल्ह्‍यो क्हिए योजीन् बनेइ।

लूका 21:24

शत्तुरमैंइ चमैं को-कोइ सेलाँइ (तरवारइ) सैवाब्‍मुँ, कोइ फैसि ह्‍युल ह्‍युलर बोब्‍मुँ। परमेश्‍वरजी चमैंने तोक्‍दिबै त्‍हे आतन् समा अरू ह्रेंर्बै म्हिमैंइ यरूशलेम खेंमैंए अधीनर थेंब्मुँ।”

दर्शन 11:2

दिलेया मन्‍दिर बैरुबै ह्‍युमैं बिस्याँ आच्हैंन्, तलेबिस्याँ ङलाइ बिश्‍वास आलबै अरू ह्रेंमैंलाइ ङइ च ह्‍यु पिंइमुँ। प्लिच्यु से म्हैंन ङ्हिंल् समा (४२) चमैंइ पबित्र सहरलाइ प्‍लेथेंब्‍मुँ।