भजनमैं 78:8 - परमेश्‍वरए ताँ तमु क्युइर

⁸ ह्रोंसए खेबाज्युमैंइ लब् धोंले सैं सारो नेरो बिब् आङिंबै पुस्तामैं चमैं आतरिगे। चमैंए खेबाज्युमैंइ परमेश्‍वरए फिर भर आम्हाँदिमल, चमैंइ खीए फिर बिश्‍वास आलमल।

भजनमैं 78:8 ပူးပေါင်းရင်းမြစ်များ

भजनमैं 106:7

ङिए खेमैं मिश्र ह्‍युलर मुँमा क्हिजी लबै औदिबै केमैं चमैंइ वास्ता आल, क्हिजी लबै खोंयोंइ आनुबै म्हाँया चमैंइ आमैं, झन् काँसए घारि मुँबै मा ङ्युँइर चमैं ताँनइ क्हिए बिरोध लइ।

भजनमैं 68:6

खाबै आरेबै म्हिमैंलाइ खीजी परवा पिंम्; झेलर मुँब्मैंलाइ तेसि सैं तोंल् पिंम्; दिलेया परमेश्‍वरजी बिब् आङिंब्मैं बिस्याँ त्हिंयाँइ ख्रोंबै क्‍ल्‍ह्‍योर टिम्।

भजनमैं 78:37

चमैंए खोंइ खीए फिर भर आलल; खीजी फैबै बाछा चमैंइ फुवाल।

भजनमैं 78:40

क्यु आयोंबै क्‍ल्‍ह्‍योर चमैंइ ल्हें खे खीए बिरोध लइ, धै तोइ आकेबै क्‍ल्‍ह्‍योर खीए सैं नल् लइ!

भजनमैं 78:56

दिलेया चमैंइ परमेश्‍वरए जाँच लइ, धै ताँन् भन्दा थेबै परमेश्‍वरए बिरोध लसि खीलाइ ह्रिस खल् लइ, धै खीजी बिबै ताँमैं आङिंल।

प्रस्थान 32:9

याहवेहजी मोशाने बिइ, “चु म्हिमैं बेल्‍ले आच्योब्मैं मुँन बिसि ङइ म्रोंइ।

प्रस्थान 33:3

दिलेया क्हेमैं आच्योब्मैं ग, धै ङ क्हेमैंने ह्‍यास्याँ ङइ क्हेमैंलाइ सैवालै। छतसि ङ क्हेमैंने बालु ह्‍यारिब् आरे।”

प्रस्थान 33:5

तलेबिस्याँ “‘क्हेमैं आच्योमैं ग। ङ तिस्याँदे क्हेमैंने ह्‍यास्याँ ङइ क्हेमैंलाइ सैवालै। छतसि तोगो क्हेमैंइ ह्रोंसए घानामैं प्लिद्, धै क्हेमैंलाइ तो लल् त्हुमुँ ङ बिचार लस्यो,’ बिसि इस्राएलीमैंने बिद् बिसि याहवेहजी मोशाने बिल।”

प्रस्थान 34:9

धै मोशाइ बिइ, “ओ याहवेह, क्हिए म्हाँया ङने मुँ बिस्याँ ङ यो छ्युँ लमुँ, क्हिन् ङिने बालु प्रमिंन्। चु म्हिमैं आच्योब्मैं मुँलेया ङिए दुष्‍ट केमैं नेरो पापए क्षमा लमिंसि ङिलाइ क्हिए म्हिमैं लमिंन्।”

चेला चिब्मैंए केमैं 11:23

झाइले बारनाबास चर खमा परमेश्‍वरए आशिक नेरो दयाम्हाँया चमैंए फिर तब् म्रोंसि सैं तोंइ, धै चमैं ताँनने “खों न्होंउँइँलेन् प्रभुए फिर क्ह्रोंसेंन्ले बिश्‍वास लसि खी आपिल्‍ले टिरिल् त्हुम्,” बिसि चमैंए सैं भोंमिंइ।

चेला चिब्मैंए केमैं 7:51

“ओ, आच्योबै म्हिमैं, सारो सैं प्ह्‍‍याब्मैं नेरो न्ह आथेब्मैं! क्हेमैंइ खोंयोंन् बिलै पबित्र प्ल्हए बिरोध लइमुँ। क्हेमैंए खेमैंइ लब् धोंले क्हेमैंज्यै या छान् लइमुँ।