भजनमैं 78:54 - परमेश्‍वरए ताँ तमु क्युइर

⁵⁴ छले परमेश्‍वरजी ह्रोसए पबित्र ह्‍युलर चमैं डोरेइ, च कोंमैं मुँबै ह्‍युल खीजी ह्रोंसए क्योलो योइ ट्होसि चमैंलाइ पखइ।

भजनमैं 78:54 ပူးပေါင်းရင်းမြစ်များ

भजनमैं 44:3

तलेबिस्याँ चमैंइ सेलाँइ नेसि ह्‍युल ट्होब आङिं, धै चमैंइ ह्रोंसए यो पाख्राए भोंइ नेसि ट्होबै या आङिं, दिलेया क्हिए क्योलो योर्बै भों नेरो क्हिए चारबै मोंडए ह्‍वेइन चमैंइ ट्होब् ग, तलेबिस्याँ क्हिजी चमैंए फिर म्हाँया लमल।

भजनमैं 68:16

ओ ल्हें च्होमैं मुँबै कों, परमेश्‍वरजी ग्याल्स लल् म्हैबै सियोन बिबै कोंउँइँ तले आछ्याँबै सैंले ङ्ह्‍योल? चर याहवेह खोंयोंन् बिलै टिब्मुँ।

प्रस्थान 15:13

क्हिए खोंयोंन् बिलै आखाँबै म्हाँयार क्हिजी मिश्रउँइँले फ्रेमिंबै म्हिमैं डोरेब्मुँ। क्हिजी ह्रोंसए भोंउँइँले चमैं क्हिए पबित्र क्ल्ह्‍योर डोरेब्मुँ।

प्रस्थान 15:17

क्हिजी क्हिए म्हिमैं पखसि ह्रोंसए कोंर थेंब्मुँ। ओ याहवेह, च क्ल्ह्‍योर्न क्हिए ल्हागिर टिबै क्ल्ह्‍यो बनेइ, ओ याहवेह, च पबित्र क्ल्ह्‍यो क्हिए योजीन् बनेइ।

एफिसी 1:14

लिउँइँ आशिक पिब्मुँ बिसि पक्‍का लबै ल्हागिर परमेश्‍वरजी पबित्र प्ल्ह ङ्योलाइ बैना पिंब् ग। खीजी बाछा फैसि पिंम् बिबै आशिक ङ्योइ आयोंन् समा खीजी ङ्योलाइ पबित्र प्ल्ह पिंइमुँ। खीए मिं थेब लले!