भजनमैं 78:51 - परमेश्‍वरए ताँ तमु क्युइर

⁵¹ खीजी मिश्र ह्‍युलर्बै च्ह थेब्मैं ताँन् सैवाइ, हाम बिबै ह्रेंर्बै ठागुमैं या सैवाइ।

भजनमैं 78:51 ပူးပေါင်းရင်းမြစ်များ

उत्पत्ति 10:6

हामए च्हमैं: ‍कुश, मिश्रइम‌‍‌, पूत नेरो कनान मुँल।

उत्पत्ति 49:3

“रूबेन क्हि ङए च्ह थब ग, ङए भों मुँबै त्हेर्बै ओंसोंबै शक्‍ति नेरो भोंए रो ग। मान नेरो शक्‍तिर ताँन् भन्दा क्हि थेब ग।

भजनमैं 105:23

लिउँइँ याकूब मिश्र ह्‍युलर ह्‍याइ; झाइले इस्राएल हामए ह्‍युलर आगुए ह्‍युलर्बै म्हि धोंले टिइ।

भजनमैं 105:27

चमैंइ मिश्रीमैंए म्हाँजोर खीजी लबै औदिबै केमैं उँइँमिंइ; छलेन हामए ह्‍युलर चमैंइ खीए शक्तिए केमैं उँउँइ।

भजनमैं 105:36

झाइले खीजी चमैंए ह्‍युलर्बै च्ह थेब नास लवाइ, चमैंए ओंसों फिबै च्हमैं सैवाइ।

भजनमैं 106:22

चमैंए ल्हागिर्न खीजी हामए ह्‍युलर औदिबै केमैं नेरो ओल्ग्‍या मा ङ्युँइर ङ्हिंन् ङ्हाँबै केमैं लल।

भजनमैं 135:8

स्योंम खीजी मिश्रीमैंए ओंसों फिबै च्हमैं, नेरो ओंसों फिबै खेदोमैं सैवाइ।

भजनमैं 136:10

खीजी मिश्र ह्‍युलर्बै च्ह थेब ताँन् सैवाइ। खीए म्हाँया खोंयोंन् बिलै तरिम्।

प्रस्थान 12:12

“च म्हुँइँसर ङ मिश्र तसि ह्‍याब्मुँ, धै मिश्रर्बै म्हि नेरो खेदोए ओंसों फिब्मैं सैवाब्मुँ, धै मिश्रर्बै ताँन् देवतामैंए बिरोधर ङइ निसाफ लब्मुँ। तलेबिस्याँ ङ याहवेह ग।

प्रस्थान 13:15

च त्हेर फारोइ सैं सारो लसि ङिलाइ ह्‍याल् आपिं, छतमा याहवेहजी मिश्रर ताँन् म्हि नेरो खेदोए ओंसों फिब्मैं सैवाइ। छतसि ओंसों फिबै त्होबामैं याहवेहए ल्हागिर ख्रो पिंमुँ, धै ङए च्हमैं न्होंर्बै च्ह थेबलाइ या ख्रो पिंसि खाम्।

हिब्रू 11:28

काल पखबै स्‍वर्गदूतइ इस्राएलर्बै म्‍हिमैंए च्‍ह थेबालाइ आस्‍यारिगे बिसि मोशाइ बिश्‍वासउँइँलेन् दुःखने फ्रेबै चाडए रोस म्हाँदिइ। चइ इस्राएलर्बै म्‍हिमैंने क्‍युए ख्रो पिंसि चए को म्रार प्राबर ल्हैदिइ।