भजनमैं 78:5 - परमेश्‍वरए ताँ तमु क्युइर

⁵ याकूबए सन्तानए ल्हागिर खीजी ताँमैं बिइ, धै इस्राएल ह्रें न्होंर ठिम घ्रि पिंइ, ह्रोंसए सन्तानमैंने चु ताँ लोमिंरिगे बिसि खीजी ङ्योए खेबाज्युमैंने बिमिंइ।

भजनमैं 78:5 ပူးပေါင်းရင်းမြစ်များ

उत्पत्ति 18:19

तलेबिस्याँ चइ ह्रोंसए च्ह-च्हमिमैं नेरो परवामैं ‘छेनाले लोदा-सैंदा लसि याहवेहजी बिब् धोंले प्रबर ल्हैदिरिगे’ बिसि ङइ च त्हाँइमुँ। चमैंइ छ लस्याँ याहवेहजी अब्राहामने फैबै बाछा पूरा लमिंब्मुँ।”

भजनमैं 119:152

खोंयोंन् बिलै तरिगे बिसि क्हिजी क्हिए ताँमैं प्ह्रिथेंइ बिसि ङइ च ताँमैंउँइँले ओंसों ओंनोंन् लोइ।

भजनमैं 147:19

खीजी ह्रोंसए ताँ याकूबने धै ह्रोंसए ठिममैं नेरो निसाफमैं इस्राएलने उँइँमिंइमुँ।

भजनमैं 19:7

याहवेहए ठिम खोट आरेब मुँ, च ठिमइ सैं सिब्मैंलाइ भों पिंम्। खीजी बिबै ताँमैं भर लल् खाँब मुँ, आह्र आसेब्मैंलाइ च ताँइ बुद्धि पिंम्।

भजनमैं 81:5

खी मिश्र ह्‍युलए बिरोधर रेमा योसेफए ह्रेंए ल्हागिर खीजी निसाफ घ्रि बिथेंइ। च क्‍ल्‍ह्‍योर्न ङइ ङो आसेबै कै छ बिब् थेल:

प्रस्थान 12:27

‘चु याहवेहजी दुःखउँइँले फ्रेमिंबै चाडए ख्रो ग। मिश्रर मुँबै इस्राएलीमैंए धिंजरे ह्‍यासि खीजी मिश्रीमैंलाइ ल्हिमा ङ्योए धिं पिथेंल।’” च ताँ थेसि म्हिमैं ताँनइ क्र कुरसि खीए सेवा लइ।

प्रस्थान 25:16

ङए ठिममैं प्ह्रिबै युँमाए प्लना ङ क्हिलाइ पिंब्मुँ, च मुदुसर च युँमाए प्लना थेंन्।

प्रस्थान 25:21

च क्हा मुदुसए फिर थेंन्। ङए ठिममैं प्ह्रिबै युँमाए प्लना क्हिलाइ पिंब्मुँ, च युँमाए प्लना च मुदुसर थेंन्,

प्रस्थान 40:20

झाइले लद् बिबै च्युउलो ताँ प्ह्रिबै युँमाए प्लना ङ्हिं बाछाए मुदुसर झोंसि चइ चए क्हा मुदुसए फिर थेंइ।

प्रस्थान 40:3

ठिम थेंबै मुदुस चर थेंन्, धै चए ओंसों पर्दा च्योद्।

रोमी 3:2

ल्हें सैर चु केर फेम्! परमेश्‍वरजी ताँन् भन्दा ओंसों यहूदीमैंलाइन खीए पबित्र ताँ म्हाँदिबर पिंइ।

एफिसी 6:4

ओ आबामैं, क्‍हेमैंइ ह्रोंसए प्हसेमैंलाइ छोरों ङ्हाँन्ले कच कच लसि ह्रिस खल् आलद्। बरु प्रभुलाइ म्हाँदिबै छ्याँबै बानि लोमिंसि ठिक तार झोंन्।