भजनमैं 76:10 - परमेश्‍वरए ताँ तमु क्युइर

¹⁰ क्ह्रोंसेंन् म्हिमैंने क्हिए ह्रिस खमा क्हिए मिंन् थेब् लब्मुँ; झाइले क्हिए ह्रिसउँइँले सोब्मैंइ आछ्याँबै के लब पिवाब्मुँ।

भजनमैं 76:10 ပူးပေါင်းရင်းမြစ်များ

उत्पत्ति 50:20

ङए फिर क्हेमैंइ न्होह्रों लबै सैं लल दिलेया परमेश्‍वरजी च केउँइँले छ्याँब लमिंबै सैं मैंइ। च के तिंयाँ ङ्यो ताँनए फिर तरिइमुँ छतमा ल्हें म्हि सोरिइमुँ।

भजनमैं 104:9

क्युइ धबै पृथ्‍बी आप्ल्हुँरिगे बिसि क्युइ ङ्वेल् आखाँबै साँद क्हिजी थेंमिंइ।

भजनमैं 12:6

याहवेहजी फैबै बाछामैं खोट आरेब मुँ, सए कोदर मिइ ङिखे समा खारिदिबै चाँदि धोंब खीजी फैबै बाछा मुँ।

भजनमैं 46:6

ह्रें-ह्रेंमैं ङ्हिंसि त्हारम् धै ग्याल्समैं लायाम्; खीजी थेब कै तेमा पृथ्‍बी बिलेयाम्।

भजनमैं 65:7

थेबै कैले ङ्‍हेबै मा ङ्युँइ नेरो चर्बै भेल्गमैं ङ्‍हेब, नेरो ह्रें-ह्रेंमैंइ लबै खैला-बैला क्हिजीन् च्याँ लमिंम्।

भजनमैं 82:8

ओ परमेश्‍वर, रेत्ति, पृथ्बीए निसाफ लमिंन्; तलेबिस्याँ ताँन् ह्रें-ह्रेंमैंए हग वाल क्हि ग।

प्रस्थान 18:11

याहवेह ताँन् देवतामैं भन्दा थेब मुँन बिसि ङइ तोगो सेइ, तलेबिस्याँ मिश्रीमैंइ इस्राएलीमैंए फिर आछ्याँबै के लमा खीजी चमैंलाइ जोगेमिंइ।”

मत्ती 24:22

दिलेया च दुःखए त्हिंइ परमेश्‍वरजी आघटिमिंस्याँ खाबै या सोल् आखाँमल। छतसि परमेश्‍वरजी खीजी त्हाँबै म्‍हिमैं सोरिगे बिसि च त्हिंइ घटिमिंब्मुँ।

यूहन्‍ना 19:22

दिलेया पिलातसइ “मुँरिगे! ङइ तो प्ह्रिइ छाबन् मुँरिगे,” बिइ।

रोमी 9:17

मिश्र ह्‍युलर्बै फारो म्रुँए बारेर परमेश्‍वरए छ्वेर छले प्ह्रिइमुँ, “क्हिइ ङए शक्‍ति ह्‍युल तिगोंन् उँइँरिगे, धै ङए शक्‍ति मुँबै मिं बिप्ररिगे ङ्हाँसि, ङइ क्हिलाइ म्रुँ लमिंइ।”

दर्शन 11:18

ह्रें-ह्रेंमैं त्होंदो राइमुँ, दिलेया क्‍हि झन् बेल्‍ले ह्रिस खइमुँ, तलेबिस्याँ क्हिए फिर बिश्‍वास आलल्‍ले सियाब्‍मैंए ल्हागिर ठिक निसाफ लबै त्हे चेंदोन् खइमुँ। दिलेया क्‍हिए सेवा लबै अगमबक्‍तामैं, क्‍हिए पबित्र म्‍हिमैं नेरो क्‍हिने ङ्हिंब्‍मैं, थेब, च्‍योंब ताँनलाइ, इनाम पिंबै त्हे तइमुँ। छलेन पृथ्‍बीलाइ न्होह्रों लब्मैं ताँनलाइ नास लबै त्हे तइमुँ।”