भजनमैं 74:1 - परमेश्‍वरए ताँ तमु क्युइर

¹ ओ परमेश्‍वर, क्हिजी तले ङिलाइ युगुर्लै पिवाल? ङि क्हिए खर्गर्बै क्युमैं ग। क्हिए ह्रिस तले ङिए फिर मि धोंले लुँइमुँ?

भजनमैं 74:1 ပူးပေါင်းရင်းမြစ်များ

भजनमैं 10:1

ओ याहवेह, क्हि तले ह्रेंगो राल? ङए फिर दुःख तमा क्हि तले लोइ टिल?

भजनमैं 100:3

याहवेहन् परमेश्‍वर ग बिसि सेद्! खीजीन् ङ्योलाइ खीए म्हिमैं तल् पिंइ, ङ्यो खीलन् ग, छतसि ङ्यो खीए म्हिमैं नेरो खीए खर्गर्बै क्युमैं ग।

भजनमैं 18:8

खीए नखुँउँइँले मिखु त्होंइ, खीए सुँउँइँले त्होंबै मिइ ताँन् ख्रोंवाइ, धै लुँरिबै मिए राब खीए सुँउँइँले लुँइ।

भजनमैं 42:11

ओ ङए सो, क्हि तले आतोंल? धै ङए खों न्होंर क्हि तले च्हतर्ले आदेल? क्हिए आशा परमेश्‍वरने थेंन्; तलेबिस्याँ खी ङलाइ मुक्‍ति पिंबै परमेश्‍वर ग। छतसि ङ अझै खीलाइन थेब् लब्मुँ।

भजनमैं 42:9

ङए परमेश्‍वरने, ङ लोबै पाराने, ङइ बिम्: “क्हिजी तले ङ म्‍लेल? शत्तुरमैंइ क्र ओल् आपिंसि ङ तले न्हुँ लसि प्ररिल् त्हुइमुँ?”

भजनमैं 44:9

दिलेया क्हिजी ङिलाइ पिवासि ङिए सेनामैं आल्होमिंबइले ङि कुरल् त्हुइमुँ।

भजनमैं 50:1

ताँन् भन्दा थेब शक्‍ति मुँबै याहवेह परमेश्‍वर पोंम्, त्हिंयाँ प्योबै क्ल्ह्‍योउँइँले त्हिंयाँ लिबै क्ल्ह्‍यो समा ह्‍युलर्बै ताँन् म्हिमैंलाइ खीजी हुइम्।

भजनमैं 60:1

ओ परमेश्‍वर, क्हिजी ङि पिवाइमुँ, क्हिजी ङि सग्याँ-प्हुँग्या लवाइमुँ; ङि म्रोंसि क्हि ह्रिस खइमुँ, दिलेया तारेम् क्हि ङि ङाँइ तोमिंनु।

भजनमैं 60:10

ओ परमेश्‍वर, क्हिजीन् ङिलाइ पिवाइ, आङिं वा? तारे ङिए सिपाइमैंने बालु आह्‍या वा?

भजनमैं 77:7

“प्रभुजी ङ्योलाइ युगुर्लै वाथेंम् रो वा? खीजी धबै खोंयोंइ ङ्योए फिर ल्हयो आख रो वा?

भजनमैं 77:8

खीए खोंयोंइ आनुबै म्हाँया युगुर्लै खाँयाँइ वा? खीए बाछा युगुर्लै नुयाइ वा?

भजनमैं 78:1

ओ ङए म्हिमैं, ङइ लोमिंबै ताँमैंर न्ह तोद्; ङइ बिबै ताँमैं छेनाले थेद्।

भजनमैं 79:13

छ लमा ङि, क्हिए म्हिमैं, क्हिए खर्गर्बै क्युमैं ग। छतसि ङि खोंयोंन् बिलै क्हिए मिं क्वेब्मुँ; पुस्त-पुस्त समा ङिइ क्हिए छ्याँबै बयन लब्मुँ।

भजनमैं 79:5

ओ याहवेह, खोंयों समा? क्हि खोंयोंइन ङिने ह्रिस खरिब्मा? क्हिए ह्रिस मि धोंले खोंयों समा लुँरिमुँ?

भजनमैं 80:5

क्हिजी चबै ल्हागिर चमैंलाइ न्हुँ पिंइमुँ, धै ल्हें-ल्हें मिग्लि थुँल् पिंइमुँ।

भजनमैं 85:6

क्हिए म्हिमैं क्हिने बालुन् सैं तोंल् योंरिगे बिसि ङिलाइ धबै भोंसि आलमिं वा?

भजनमैं 95:7

तलेबिस्याँ खीन् ङ्योए परमेश्‍वर ग, धै ङ्यो खीए खर्गर्बै क्युमैं, नेरो खीए म्हिमैं ग। तिंयाँ क्हेमैंइ खीए कै थेद्!

प्रस्थान 32:11

दिलेया मोशाइ ह्रोंसए याहवेह परमेश्‍वरने यो छ्युँ लसि “ओ याहवेह!” बिइ। “क्हिइ ह्रोंसए थेबै भों मुँबै योइ मिश्रउँइँले तेइ पखबै ह्रोंसए म्हिमैंए फिर तले च्हौ थेबै ह्रिस खल?

लूका 12:32

ओ ङए च्‍युगुथिरि बगाल, आङ्हिंन्। तलेबिस्याँ क्हेमैंए परमेश्‍वर आबाजी ह्रोंसए ग्याल्स क्हेमैंलाइ पिंबर सैं तोंइमुँ।