1 क्ह्रोंसेंन इस्राएलए ल्हागिर, छ्याँबै सैं प्ह्याब्मैंए ल्हागिर, परमेश्वर स्वाब मुँ।
“सियोन बिबै ङए पबित्र कोंर ङइ ह्रोंसए म्रुँ थेंइमुँ,” बिसि खीजी बिम्।
आछ्याँबै केमैं आलब्मैं, छ्याँबै सैं प्ह्याब्मैं, कु ङाँइ सैं आल्हैदिब्मैं धै स्योलिबै ताँर कसम आचब्मैंन्, याहवेहए कोंर क्रेल् खाँम्।
ओ ङए सो, क्हि तले आतोंल? धै ङए खों न्होंर क्हि तले च्हतर्ले आदेल? क्हिए आशा परमेश्वरने थेंन्; तलेबिस्याँ खी ङलाइ मुक्ति पिंबै परमेश्वर ग। छतसि ङ अझै खीलाइन थेब् लब्मुँ।
ताँन् भन्दा थेब शक्ति मुँबै याहवेह परमेश्वर पोंम्, त्हिंयाँ प्योबै क्ल्ह्योउँइँले त्हिंयाँ लिबै क्ल्ह्यो समा ह्युलर्बै ताँन् म्हिमैंलाइ खीजी हुइम्।
ओ परमेश्वर, ङए खों छ्याँब लमिंन्, धै ङलाइ ठिक सैं पिंन्।
क्ह्रोंसेंन क्हिजी चमैंलाइ प्हले प्लेबै क्ल्ह्यो जरे थेंम्; क्हिजी चमैं नास तयाबर भ्योंवाँम्।
ओ परमेश्वर, क्हि आपोंल्ले आटिमिंन्! ओ परमेश्वर, तोइ आबिल्ले आटिमिंन्, के आलल्ले आटिमिंन्!
तलेबिस्याँ याहवेह परमेश्वर त्हिंयाँ नेरो ढाल ग; याहवेहजी दयाम्हाँया लमुँ धै मान इजेत पिंम्; ठिक घ्याँर प्रब्मैंलाइ खीजी ताँन् छ्याँबै सैमैं पिंब्मुँ।
छ्याँबै सैं प्ह्याब्मैंइ आशिक योंब्मुँ, तलेबिस्याँ चमैंइ परमेश्वर म्रोंल् योंब्मुँ।
ओ ङए च्युगुथिरि बगाल, आङ्हिंन्। तलेबिस्याँ क्हेमैंए परमेश्वर आबाजी ह्रोंसए ग्याल्स क्हेमैंलाइ पिंबर सैं तोंइमुँ।
येशूजी नथानेल खी ङाँइ खरिब् म्रोंसि चए बारेर बिइ, “ङ्ह्योत्ति, पक्क इस्राएलीथें घ्रि। चने तोइ छल आरे।”
परमेश्वरजी पिंम् बिसि फैबै बाछा अब्राहामए सन्तानमैंइ योंरिगे बिसि म्हिमैंइ बिश्वास लबइले परमेश्वरजी पिंइ। च थेबै दयाम्हाँया ठिमर्बै ताँमैं म्हाँदिबै सन्तानए ल्हागिर मत्त्रे आङिं, अब्राहामइ धोंले बिश्वास लब्मैंए ल्हागिरै ग। तलेबिस्याँ ङ्यो ताँनए खे अब्राहाम ग।
खीजीन् ङ्योलाइ जोगेमिंइ। ङ्योइ छ्याँबै के लसि छारा छ्ह योंब आङिं, बरु खीए दयाउँइँले पबित्र प्ल्हजी ङ्योलाइ पापउँइँले ख्रुमिंसि छारा छ्ह पिंसि, छारा लमिंइ।
क्हेमैंए सैं परमेश्वर ङाँइ एद्, झाइले परमेश्वरै या क्हेमैं ङाँर खब्मुँ। ओ पापिमैं! आछ्याँबै के लब् पिसि छ्याँबै के लद्। सैं ङ्हिंरि लब्मैं! क्हेमैंए सैं छ्याँब लद्।