भजनमैं 72:15 - परमेश्‍वरए ताँ तमु क्युइर

¹⁵ चइ ह्रिंग्यो छ्ह योंरिगे; शेबा ह्‍युलर्बै मारा म्हिमैंइ चलाइ भेटि पिंरिगे! चए ल्हागिर म्हिमैंइ खोंयोंइन् बिले प्राथना लरिगे, त्हिंइतिमिन् चमैंइ चए फिर आशिक ह्रिरिगे!

भजनमैं 72:15 ပူးပေါင်းရင်းမြစ်များ

भजनमैं 21:4

चइ क्हिने छ्ह ह्रिमा क्हिजी चलाइ खोंयोंइ आखाँबै छ्ह पिंइ।

भजनमैं 45:4

क्ह्रोंसेंन्बै ताँ पोंल् त्हुम्, करल् त्हुम् ठिक निसाफ लल् त्हुम् बिदै ह्रोंसए शक्तिर ट्होदै ह्‍याद्। क्हिए क्योलो योजी औदिबै केमैं लमुँ!

भजनमैं 72:19

खीए थेबै मिं खोंयोंन बिलै क्वेरिगे; पृथ्बी तिगोंन् म्हिमैंइ खीए थेबै के म्रोंरिगे! आमेन नेरो आमेन!

मत्ती 2:11

झाइले चमैं च धिं न्‍होंर होंमा कोलो खीए आमा मरियमए क्‍वेंदर म्रोंइ। धै पत्खु तसि खीलाइ फ्योसि ह्रोंसए नेंदो फैसि मारा, छ्याँबै थाँ खबै धुप नेरो मूर्र बिबै लिंबै थाँ खबै छ्युगु भेटिमैं पिंइ।

मत्ती 21:9

खीए लिलि ओंसों प्रब्मैंइ छले ओरल, “दाऊदए च्हए जय जय तरिगे! याहवेहए मिंर खबै म्‍हिला आशिक तरिगे! धाँसे थेबै परमेश्‍वरए जय जय तरिगे!”

मत्ती 6:10

क्हिए ग्याल्स युरिगे, स्‍वर्गर धोंले क्‍हिए सैंर मैंबै के पृथ्‍बीरै पूरा तरिगे।

यूहन्‍ना 11:25

येशूजी चने बिइ, “सियाब्‍मैं सोगों लमिंब नेरो खोंयोंइ आखाँबै छ्ह पिंब ङन् ग। ङए फिर बिश्‍वास लब्‍मैं सिलेया सोगों तब्‍मुँ।

यूहन्‍ना 14:19

तारे तिस्‍याँदे लिउँइँ ह्‍युलर्बै म्हिमैंइ ङ म्रोंरिब् आरे। दिलेया क्हेमैंइ बिस्याँ ङ म्रोंब्मुँ। ङ सोगों तबइले क्हेमैं या सोगों तरिब्मुँ।

यूहन्‍ना 5:23

तलेबिस्याँ खैले म्हिमैंइ परमेश्‍वर आबाए मान लमुँ, छलेन ताँन् म्हिमैंइ खीए च्हए मान लरिगे। च्‍हए मान आलब्मैंइ च्‍हलाइ कुल्‍मिंबै आबालै या मान आल।

२ कोरिन्थी 13:14

प्रभु येशू ख्रीष्‍टजी पिंबै दयाम्हाँया, परमेश्‍वर आबाजी लबै म्हाँया नेरो पबित्र प्ल्हउँइँले तबै संगति क्‍हेमैं ताँनने तरिगे।

फिलिप्पी 2:11

झाइले ताँनइ परमेश्‍वर आबाए मान तबै ल्हागिर “येशू ख्रीष्‍टन् प्रभु ग” बिसि म्हाँदिब्मुँ।

१ थेसलोनिकी 3:11

तारे ङ्योए परमेश्‍वर आबा नेरो ङ्योए प्रभु येशूजी ङि क्‍हेमैं ङाँर खबै घ्याँ थोंमिंरिगे,

२ तिमोथी 4:22

प्रभु खोंयोंन् बिलै क्‍हिने प्रे तरिगे। धै खीए दयाम्हाँया क्हेमैंइ योंरिगे।

२ पत्रुस 3:18

बरु ङ्योलाइ जोगेमिंबै प्रभु येशू ख्रीष्‍टए थेबै दयाम्हाँया नेरो बुद्धिर बडिदै ह्‍याद्। खीलाइ तोगो नेरो खोंयोंइ या थेबै मान तरिगे। आमेन, छान् तरिगे।

१ यूहन्‍ना 1:2

खी चु ह्‍युलर मुँमा ङिइ खीलाइ म्रोंल, छतसि खीए बारेर ङिइ ग्वाइ पिंम्। च खोंयोंइ आखाँबै छ्ह ओंसों ओंनोंन् परमेश्‍वर आबाने मुँल, धै तिंजोरो ङ्यो ङाँर म्रोंयुइ बिसि ङिइ क्हेमैंने बिम्।

यहूदाइ प्‍ह्रिबै प्ह्रिछ्या 1:25

छाबै ङ्योलाइ जोगेमिंबै घ्रि मत्‍त्रे मुँबै परमेश्‍वरलाइ ङ्योए प्रभु येशू ख्रीष्‍टउँइँले थेबै मान, थेबै शक्‍ति, थेबै भों नेरो अधिकार, ओंसोंउँइँले तिंयाँ धै प्हँना लिउँइँ समा खोंयोंन् बिलै तरिगे! आमेन, छाबन् तरिगे!

दर्शन 1:18

सोगों परमेश्‍वर ङन् ग। ङ सियाल, दिलेया तारे ङ खोंयोंइ बिलै सोरिम्। काल नेरो म्‍हि प्‍ल्‍हमैं नाँसर्बै साँजु नेरो हग ङने मुँ।