भजनमैं 71:8 - परमेश्‍वरए ताँ तमु क्युइर

⁸ ङए सुँइ क्वे प्रिंसि क्हिए मिं थेब् लरिमुँ, धै त्हिंइतिमिन् ङइ क्हिए थेबै मिंए बारेर बिप्रम्।

भजनमैं 71:8 ပူးပေါင်းရင်းမြစ်များ

भजनमैं 104:1

ओ ङए सो, याहवेहए मिं क्वेद्! ओ ङए याहवेह परमेश्‍वर, क्हि बेल्‍ले थेब मुँ! क्वें खिब् धोंले क्हिजी मान नेरो इजेत पैरेइमुँ।

भजनमैं 146:2

ङए छ्ह तिगोंन् ङ याहवेहए मिं थेब् लब्मुँ, छ्ह तिगोंन् ङ परमेश्‍वरए क्वेमैं प्रिंरिब्मुँ।

भजनमैं 35:28

क्हिजी लबै ठिक केमैंए बयन लदै ङ खोंयोंन् बिलै क्हिए मिं क्वेरिब्मुँ।

भजनमैं 63:5

लिंबै चबै सैमैं चसि म्रेंब् धोंले ङए सो छिं ङ्हाँब्मुँ, ङए सुँइ सैं तोंबै क्वेमैं प्रिंसि क्हिलाइन थेब् लब्मुँ,

भजनमैं 71:15

क्हिजी लबै ठिक केमैं नेरो क्हिजी ङ जोगेमिंबै बारेर त्हिंइतिमि ङए सुँइ पोंब्मुँ। दिलेया च केमैं कति मुँ बिब ङइ आसे।

भजनमैं 71:24

ङए न्होह्रों लल् म्हैब्मैं फापिसि खैला तोला तबर फेइमुँ, छतसि ङए लेइ त्हिंइतिमिंन् क्हिजी लबै ठिक केमैंए बयन लब्मुँ।

भजनमैं 96:6

खीए उँइँर इजेत नेरो मान मुँ; खीए पबित्र क्‍ल्‍ह्‍यो म्रोंमा खी कति भोंब मुँ, कति छ्याँब् मुँ बिसि सेल् खाँम्।