भजनमैं 71:5 - परमेश्‍वरए ताँ तमु क्युइर

⁵ तलेबिस्याँ, ओ याहवेह परमेश्‍वर, ङइ क्हिए फिर आशा लइमुँ, ङ फ्रेंसि तब् ओंनोंन् ङइ क्हिए फिर भर थेंइमुँ।

भजनमैं 71:5 ပူးပေါင်းရင်းမြစ်များ

भजनमैं 119:166

ओ याहवेह, क्हिजी जोगेमिंब्मुँ बिसि ङइ ह्रेरिइमुँ; धै क्हिए ताँमैं अनुसार ङ प्ररिइमुँ।

भजनमैं 119:81

क्हिजी खोंयों जोगेमिंब् ङ्‍हे बिसि क्हिए घ्याँ ङ्‍ह्‍योन-ङ्‍ह्‍योन् ङ नारल् खाँइ। दिलेया क्हिजी फैबै बाछार ङइ आशा थेंइमुँ।

भजनमैं 13:5

दिलेया क्हिए खोंयोंइ आनुबै म्हाँयार ङइ सैं केंइमुँ, क्हिजी ङ जोगेमिंबइले ङए सैं तोंब्मुँ।

भजनमैं 39:7

“तारे ओ याहवेह, ङइ तोए ल्हागिर पैंले? ङए आशा क्हिनेन् मुँ।

भजनमैं 42:11

ओ ङए सो, क्हि तले आतोंल? धै ङए खों न्होंर क्हि तले च्हतर्ले आदेल? क्हिए आशा परमेश्‍वरने थेंन्; तलेबिस्याँ खी ङलाइ मुक्‍ति पिंबै परमेश्‍वर ग। छतसि ङ अझै खीलाइन थेब् लब्मुँ।

भजनमैं 71:17

ओ परमेश्‍वर, ङ फ्रेंसि तब् ओंनोंबै क्हिजी ङलाइ लोमिंइमुँ, छतसि क्हिजी लबै औदिबै केमैंए बारेर तिंयाँबै त्हिंइ समा ङइ बिप्रइमुँ।

लूका 2:40

परमेश्‍वरए आशिक खीए फिर मुँल। छतसि कोलो फारदै भोंब नेरो ह्रब-सेब त‍दै ह्‍याइ।

रोमी 15:13

छतसि पबित्र प्ल्हए शक्‍तिजी क्‍हेमैंए आशा बडिमिंरिगे बिसि क्ह्रोंसेंन्बै आशा पिंबै परमेश्‍वरए फिर क्हेमैंइ बिश्‍वास लबइले क्‍हेमैंइ सैं तोंसि छिं ङ्हाँल् योंरिगे।

२ तिमोथी 3:15

क्‍हिइ कोलो ओनोंन् परमेश्‍वरए छ्वेर्बै ताँ सेइमुँ। च छ्वेर्बै ताँमैंइ ख्रीष्‍ट येशूए फिर बिश्‍वास लब्मैंइ खोंयोंइ आखाँबै छ्ह खैले योंम् बिबै ताँ लोल् खाँम्।