भजनमैं 71:3 - परमेश्‍वरए ताँ तमु क्युइर

³ ङ क्हि ङाँर खरिमा ङए शत्तुरमैंइ ङ आस्यारिगे बिसि ङ रक्षा लमिंबै पारा तमिंन्। ङलाइ जोगेबर ल्हैदिद्, तलेबिस्याँ क्हि ङए ङ रक्षा लमिंबै पारा नेरो किल्‍ला ग।

भजनमैं 71:3 ပူးပေါင်းရင်းမြစ်များ

भजनमैं 144:2

खी ङए फिर खोंयोंइ आनुबै म्हाँया लबै परमेश्‍वर नेरो ङए किल्‍ला ग, ङलाइ खाबज्यै तोइ लल् आपिंब ङलाइ जोगेब परमेश्‍वर ग, खी ङए ढाल ग, खीए प्हलेर्न ङ ग्वार योंमुँ। खीजी अरू ह्रेंमैंलाइ ङए न्होंर थेंमिंमुँ।

भजनमैं 18:2

याहवेह ङ लोबै पारा, ङए किल्‍ला नेरो ङ जोगेमिंबै ङए परमेश्‍वर ग। ङए परमेश्‍वर ङ रक्षा लमिंबै पारा ग। ढाल धोंले भोंब् तसि खीजी ङलाइ जोगेमिंम्! ङ खाबज्यै तोइ लल् आखाँबै क्ल्ह्‍योर खीजी थेंमिंइ।

भजनमैं 18:3

ङ याहवेहए मिं किंम्, खी मान लल् त्हुब मुँ, ङए शत्तुरमैंउँइँले खीजी ङ जोगेमिंब्मुँ।

भजनमैं 42:8

दिलेया याहवेहए खोंयोंइ आनुबै म्हाँया त्हिंयाँर ङने तमुँ, धै म्हुँइँसर खीए मिंर भजनमैं प्रिंसि ङलाइ छ्ह पिंबै परमेश्‍वरने ङइ प्राथना लम्।

भजनमैं 44:4

क्हिन ङए म्रुँ नेरो ङए परमेश्‍वर ग; क्हिजी याकूबलाइ ट्होगों लमिंम्!

भजनमैं 68:28

ओ परमेश्‍वर, ह्रोंसए शक्ति उँइँन्, धै ओंसों ङिए ल्हागिर लब् धोंले ह्रोंसए शक्ति उँइँमिंन्।

भजनमैं 89:27

चलाइ ङए च्ह थेब लमिंब्मुँ, पृथ्बीर्बै म्रुँमैंए न्होंर ताँन् भन्दा थेब चलाइ लमिंब्मुँ।

भजनमैं 90:1

ओ प्रभु, पुस्ताउँइँले पुस्ता समा ङिए टिबै क्‍ल्‍ह्‍यो क्हि तमिंइमुँ।

भजनमैं 91:9

याहवेहने क्हि टिरिम्, ताँन् भन्दा थेबै परमेश्‍वर क्हिइ ग्वार योंबै क्‍ल्‍ह्‍यो तइमुँ।

हितोपदेश 18:10

याहवेहए मिं बेल्‍ले भोंबै धरर धों ग; छतसि ठिक के लब्मैं चर ह्‍यामा ग्वार योंम्।