भजनमैं 71:24 - परमेश्‍वरए ताँ तमु क्युइर

²⁴ ङए न्होह्रों लल् म्हैब्मैं फापिसि खैला तोला तबर फेइमुँ, छतसि ङए लेइ त्हिंइतिमिंन् क्हिजी लबै ठिक केमैंए बयन लब्मुँ।

भजनमैं 71:24 ပူးပေါင်းရင်းမြစ်များ

भजनमैं 35:28

क्हिजी लबै ठिक केमैंए बयन लदै ङ खोंयोंन् बिलै क्हिए मिं क्वेरिब्मुँ।

भजनमैं 37:30

ठिक के लबै म्हिइ ज्ञान बुद्धिए ताँमैं पोंम्, धै चए लेइ ठिक ताँ पोंम्।

भजनमैं 70:3

ङलाइ प्ह्रब्मैं फा फिसि लि उँइँलै आखाँरिगे।

भजनमैं 71:13

ङ छ्याब् ल्हैदिब्मैं फा पिसि मेब्रो तयारिगे; ङए न्होह्रों लल् म्हैब्मैं फापिन् तसि लि उँइँल् आखाँरिगे।

भजनमैं 71:15

क्हिजी लबै ठिक केमैं नेरो क्हिजी ङ जोगेमिंबै बारेर त्हिंइतिमि ङए सुँइ पोंब्मुँ। दिलेया च केमैं कति मुँ बिब ङइ आसे।

भजनमैं 71:8

ङए सुँइ क्वे प्रिंसि क्हिए मिं थेब् लरिमुँ, धै त्हिंइतिमिन् ङइ क्हिए थेबै मिंए बारेर बिप्रम्।

भजनमैं 92:11

ङए शत्तुरमैं हार्दिब ङए मिइ म्रोंइमुँ; ङए शत्तुरमैं ल्हावाबै ताँ ङए न्हइ थेइमुँ।

मत्ती 12:35

छ्याँबै सैं प्ह्‍याबै म्हिइ ह्रोंसए सैंर मुँबै छ्याँबै ताँमैंउँइँले छ्याँबै ताँन् पोंमुँ। आछ्याँबै सैं प्ह्‍याबै म्‍हिइ ह्रोंस् न्‍होंर्बै आछ्याँबै सैमैंउँइँले आछ्याँबै ताँमैंन् पोंम्।

१ कोरिन्थी 15:25

तलेबिस्याँ परमेश्‍वरजी खीए शत्तुरमैं ताँन् ट्होवासि ख्रीष्‍टए प्‍हले न्‍होंर आथेंन् समा ख्रीष्‍टजी ग्याल्स ललन् त्‍हुम्।

एफिसी 4:29

आछ्याँबै ताँ क्‍हेमैंए सुँउँइँले आत्‍होंरिगे, बरु थेब्मैंलाइ आशिक खल्‍ले आगुलाइ छ्याँबै घ्याँर डोरेबै छ्याँबै ताँमैं मत्‍त्रे पोंब्रें लद्।