भजनमैं 71:22 - परमेश्‍वरए ताँ तमु क्युइर

²² ओ ङए परमेश्‍वर, क्हि भर लल् खाँबै परमेश्‍वर तबइले ङ बीणा ह्रादै क्हिन् थेब लब्मुँ। ओ इस्राएलर्बै पबित्र परमेश्‍वर, सारङ्गी ह्रासि ङ क्हिलाइन थेब् लबै क्वे प्रिंब्मुँ।

भजनमैं 71:22 ပူးပေါင်းရင်းမြစ်များ

भजनमैं 138:2

क्हिजी ह्रोंसए मिं नेरो क्हिए बाछामैं तोन्दोंरि सैमैंए फिर बेल्‍ले थेब लइमुँ। छतसि क्हिए पबित्र क्ल्ह्‍योउँइँ ङ तोसि क्हिलाइन फ्योब्मुँ, धै क्हि खोंयोंइ आनुबै म्हाँया लब नेरो ङइ भर लल् खाँबै परमेश्‍वर ग बिसि ङ क्हिए मिं थेब लब्मुँ।

भजनमैं 144:9

ओ परमेश्‍वर, क्हिए ल्हागिर ङ छारा क्वे घ्रि प्रिंब्मुँ; तार च्यु प्ह्‍याबै सारङ्गी ह्रासि ङ क्हिए मिंर क्वे प्रिंब्मुँ,

भजनमैं 25:10

खीजी फैबै बाछाए ताँमैं ङिंब्मैंलाइ याहवेहजी खोंयोंइ आनुबै म्हाँया लसि भर पर्दिल् खाँन्ले डोरेम्।

भजनमैं 33:2

बीणा ह्रादै याहवेहए मिं थेब् लद्; तार च्यु मुँबै सारङ्गी ह्रादै खीए मिंर क्वे प्रिंन्।

भजनमैं 43:4

ओ परमेश्‍वर, ङए परमेश्‍वर, छलस्याँ क्हिए मिंर ख्रो पिंबै क्ल्ह्‍योर ङ फेनेब्मुँ, धै ङए सैं तोंन् लबै परमेश्‍वरए मिंर ङइ बीणा ह्रादै क्हिए क्वे प्रिंब्मुँ।

भजनमैं 56:4

परमेश्‍वरजी पोंबै ताँमैंए बयन ङ लरिमुँ। खीए फिर्न ङइ भर लइमुँ, छतसि ङ ङ्हिंरिब् आरे। म्हिमैंइ ङलाइ तो लल् खाँमुँ?

भजनमैं 78:41

चमैंइ घरिघरि खीए जाँच लइ, धै इस्राएलए बेल्‍ले थेबै परमेश्‍वरलाइ चमैंइ ह्रिस खल् लइ।

भजनमैं 89:1

याहवेहजी लबै खोंयोंइ आनुबै म्हाँयाए बारेर ङइ खोंयोंइ क्वे प्रिंब्मुँ; क्हि भर लल् खाँब मुँ बिसि ङइ ताँन् पुस्ता-पुस्ताने बिमिंब्मुँ।

भजनमैं 89:18

तलेबिस्याँ ढालइ धोंले ङिलाइ रक्षा लमिंबै म्हि याहवेहलन् ग, इस्राएलर्बै पबित्र परमेश्‍वरजी ङिलाइ ङिए म्रुँ पिंइमुँ।

भजनमैं 98:3

इस्राएलए परवाए फिर लबै खोंयोंइ आनुबै म्हाँया नेरो चमैंइ खोंयोंइ खीए फिर भर लल् खाँम् बिसि याहवेहजी मैंइमुँ। ङ्योए परमेश्‍वरजी जोगेमिंबै केमैं ह्‍युलर्बै ताँन् साँदर टिबै ह्रेंमैंइ म्रोंइमुँ।

भजनमैं 98:4

ओ ताँन् ह्‍युलर्बै म्हिमैं, सैं तोंदै याहवेहए मिंर कै तेद्; सैं तोंदै क्वे प्रिंसि खीए जयजय लद्।

भजनमैं 98:5

बीणा ह्रादै क्ह्‍युरल्‍ले भजन प्रिंन्, बीणा ह्रादै याहवेहए मिं क्वेद्!

रोमी 15:8

तलेबिस्याँ ङ क्हेमैंने बिमुँ, यहूदीमैंए खेमैंने परमेश्‍वरजी फैबै बाछा पूरा लबै ल्हागिर परमेश्‍वर क्ह्रोंसेंन्ले भर लल् खाँब मुँ बिसि उँइँबर येशू ख्रीष्‍टजी यहूदीमैंलाइ ल्होमिंइ।