भजनमैं 71:21 - परमेश्‍वरए ताँ तमु क्युइर

²¹ क्हिजी ङए मान बडिमिंब्मुँ, धै ङए सैं धबै क्होमिंब्मुँ।

भजनमैं 71:21 ပူးပေါင်းရင်းမြစ်များ

भजनमैं 18:35

ङलाइ जोगेमिंबै ल्हागिर क्हिन् ङए ढाल तइमुँ। धै क्हिए क्योलो योजी ङ ल्होमिंइमुँ, ङलाइ थेब् लमिंबै ल्हागिर क्हि ह्रोंसन् कुरइमुँ।

भजनमैं 23:4

मिछु खैबै खोल्सर प्रल् त्हुलेया ङ तो सैने या ङ्हिंरिब् आरे, तलेबिस्याँ क्हि ङने बालु मुँ; क्हिए तुँबै प्हरे नेरो ह्‍वाबै प्हरेइ ङए रक्षा लम्।

भजनमैं 32:10

दुष्‍ट म्हिमैंइ ल्हें दुःख योंल् त्हुब्मुँ, दिलेया याहवेहए फिर भर लब्मैंलाइ बिस्याँ खीजी खोंयोंइ आनुबै म्हाँया लसि रक्षा लमुँ।

भजनमैं 72:11

ताँन् म्रुँमैं चए उँइँर पदखु तब्मुँ, धै ताँन् ह्रेंमैंइ चए सेवा लब्मुँ!

भजनमैं 86:17

ओ याहवेह, क्हिजी ङ ल्होमिंइमुँ धै ङए सैं क्होमिंइमुँ। छतसि क्हिजी ङिए फिर छ्याँबन् लम् बिसि ङलाइ चिनु घ्रि उँइँमिंन्, धै ङलाइ आखोब्मैं च चिनु म्रोंसि फापिरिगे।

२ कोरिन्थी 2:14

परमेश्‍वरलाइ धन्‍यबाद तरिगे! तलेबिस्याँ खीजी ङ्योलाइ ख्रीष्‍ट येशूने घ्रिन् लमिंसि ट्होगों घ्याँर डोरेब्मुँ! धै छ्याँबै थाँ खबै धुप धों तबै खीए ज्ञानए ताँमैं ङ्योउँइँलेन् ताँन् क्‍ल्‍ह्‍योजरे फेनेब्मुँ।

२ कोरिन्थी 7:13

ङिइ बिबै ताँ क्हेमैंइ ङिंब् म्रोंसि ङिए सैं क्‍होइ। ङिए सैं क्‍होब मत्‍त्रे आङिं, क्‍हेमैंइ तीतसलाइ छ्याँन् लसि चए सैं तोंन् लमिंब् म्रोंसि ङि झन् सैं तोंइमुँ।

२ कोरिन्थी 7:6

दिलेया सैं च्‍योंब तब्‍मैंलाइ सैं थेब् लमिंबै परमेश्‍वरजी तीतस ङि ङाँर कुल्मिंसि ङिए सैं भोंब् लमिंइ।

१ थेसलोनिकी 3:9

क्हेमैं प्रभुए फिर बिश्‍वास लबर भोंब् तइमुँ बिबै ताँ थेसि ङि बेल्‍ले सैं तोंइँमुँ। चुए ल्हागिर ङिइ परमेश्‍वरलाइ कति ल्हें धन्‍यबाद पिंम्।

दर्शन 11:15

झाइले धाँसे लिउँबै स्‍वर्गदूतइ थुतुरु ह्रामा स्‍वर्गउँइँले थेबै कैमैंइ “ङ्योए याहवेह परमेश्‍वर नेरो खीजी कुल्मिंबै म्रुँ ख्रीष्‍टजी पृथ्‍बीर्बै ग्याल्स लबै हग योंइमुँ। खीजी खोंयोंन् बिलै ग्याल्स लरिब्‍मुँ,” बिरिल।