भजनमैं 71:20 - परमेश्‍वरए ताँ तमु क्युइर

²⁰ क्हिजी ङए फिर ल्हें दुःखमैं खल् पिंइ, दिलेया क्हिजी ङ धबै सोगों लमिंब्मुँ, पृथ्‍बीए न्होंउँइँले क्हिजी ङ धबै कैंडो पखब्मुँ।

भजनमैं 71:20 ပူးပေါင်းရင်းမြစ်များ

भजनमैं 119:25

ङ त्हुलर्न सिबि छेइमुँ, छतसि क्हिजी बिब् धोंलेन् ङए रक्षा लमिंन्!

भजनमैं 138:7

ङइ ल्हें दुःख योंलै या क्हिजी ङ जोगेमिंम्। ङए शत्तुरमैं ह्रिस खसि ङने छैखमा क्हिजी यो स्योंम्, झाइले ह्रोंसए क्योलो योजी ङ जोगेमिंम्।

भजनमैं 16:10

तलेबिस्याँ क्हिजी ङए प्ल्हलाइ क्रोंर वाथेंरिब् आरे, धै ह्रोंसए पबित्र म्हिए ज्यु क्हिजी क्राँल् पिंरिब् आरे।

भजनमैं 60:3

क्हिजी ह्रोंसए म्हिमैंए फिर सैदिलै आखाँबै दुःख तल् पिंइमुँ; छलमा क्हिजी ह्रिस खसि ङिलाइ म्हेरबै प्हा थुँल् पिंब् धोंले ङिए प्हलेमैं छेनाले म्हैल् आखाँब् तइमुँ।

भजनमैं 60:5

क्हिजी म्हाँया लब्मैं दु:खउँइँले फ्रेमिंबर क्हिए क्योलो योजी ङि जोगेमिंन्, ङिए प्राथना ज्वाफ पिंन्!

भजनमैं 80:18

छलस्याँ क्हिउँइँले ङि खोंयोंइ क्हो तोरिब् आरे; ङिलाइ सोगों लमिंनु, धै ङि क्हिए मिं क्वेब्मुँ।

भजनमैं 85:6

क्हिए म्हिमैं क्हिने बालुन् सैं तोंल् योंरिगे बिसि ङिलाइ धबै भोंसि आलमिं वा?

भजनमैं 86:13

तलेबिस्याँ ङए फिर क्हिए खोंयोंइ आनुबै म्हाँया बेल्‍ले थेब मुँ; धै क्हिजी ङए सो क्रोंर्बै गैरु क्ल्ह्‍योउँइँले फ्रेमिंइमुँ।

भजनमैं 95:4

खीए योर पृथ्‍बीर्बै गैरु-गैरु क्‍ल्‍ह्‍योमैं मुँ, नु-नुबै क्लिं क्हाँए च्होमैं या खीलन् ग।

योना 2:6

ङम् क्यु न्होंर्बै कोंमैंए तेंर्न फेनेल। चर क्रोंइ ङलाइ त्होंल् आपिं; दिलेया ओ ङए याहवेह परमेश्‍वर, क्हिजी ङ क्रोंउँइँले तेइरि पखइ।

मर्कूस 15:34

सों ह्राबै त्हेजरे येशूजी थेबै कैले बिइ, “इलोइ, इलोइ, लामा सबखथनि?” (छ बिबै अर्थ “ओ ङए परमेश्‍वर, ओ ङए परमेश्‍वर, क्‍हिजी ङलाइ तले पिवाल?” बिब् ग।)

चेला चिब्मैंए केमैं 2:24

सैवालेया परमेश्‍वरजी खी सिबउँइँले धबै सोगों लमिंइ। तलेबिस्याँ खी सिबै सिबन् तल् आखाँमल।

एफिसी 4:9

खी “नुबर क्रे ह्‍याइ” बिबै ताँए मतलब खी ह्‍याब् भन्दा ओंसों खी चु पृथ्‍बीर युसि चए क्रों समा फेनेइ।

दर्शन 7:14

ङइ चने बिइ, “ओ चिब, ङलाइ था आरे। चु ताँ क्‍हिजीन् सेइमुँ।” चइ ङने बिइ, “चमैं थेबै दुःख सैदिसि खब्‍मैं ग। चमैंइ ह्रों-ह्रोंसए क्‍वेंमैं क्‍यु च्हजए कोर ख्रुसि फोस्रे ब्योंब लइमुँ।