भजनमैं 71:2 - परमेश्‍वरए ताँ तमु क्युइर

² क्हि ठिक निसाफ लबै परमेश्‍वर ग, छतसि आछ्याँबै सैमैंउँइँले फ्रेमिंसि ङलाइ जोगेमिंन्, ह्रोंसए न्ह ङ ङाँइ तोमिंनु धै ङ जोगेमिंन्!

भजनमैं 71:2 ပူးပေါင်းရင်းမြစ်များ

भजनमैं 143:1

ओ याहवेह, ङए प्राथना थेमिंनु, ल्होमिंन् बिसि ङइ ग्वार ह्रिब थेमिंनु! क्हि भर लल् खाँब नेरो ठिक के लबै परमेश्‍वर ग, छतसि ङलाइ जवाफ पिंनु।

भजनमैं 143:11

ओ याहवेह, ङइ क्हिए मिं थेब लरिगे बिसि ङए सो जोगेमिंनु! क्हिजी खोंयोंइ ठिक के लमुँ, छतसि ङए दुःखउँइँले फ्रेमिंनु!

भजनमैं 17:2

ङने तोइ छ्याब् आरे िबबै निसाफ क्हिउँइँलेन् खरिगे! क्हिजी ङ ङाँइ ङ्ह्‍योमा ङ ठिक के लब् म्रोंरिगे!

भजनमैं 17:6

ओ परमेश्‍वर, ङ क्हिनेन् प्राथना लम्, तलेबिस्याँ क्हिजी ङइ ह्रिबै सै पिंम्, क्हिए न्ह ङ ङाँइ तोमिंनु, धै ङइ बिबै ताँ थेमिंन्।

भजनमैं 31:1

ओ याहवेह, ङ खोंयोंइ फा पिल् आत्हुरिगे बिसि ङ क्हिए प्हलेर ग्वार योंबर खइमुँ। क्हि ठिक के लबै परमेश्‍वर ग। छतसि ङलाइ जोगेमिंन्!

भजनमैं 31:2

ङइ ग्वार ह्रिमा न्ह तोमिंनु; युनन् ङ जोगेमिंनु! क्हि ङए रक्षा लबै पारा तमिंन्, ङलाइ जोगेबै भोंबै किल्‍ला तमिंन्!

भजनमैं 34:15

याहवेहजी ठिक के लब्मैंए फिर मि छरिमुँ धै चमैंए ताँ थेम्।

भजनमैं 43:1

ओ परमेश्‍वर, ङने तोइ छ्याब् आरे बिमिंन्, धै क्हिजी बिब् आङिंबै ह्रेंमैंए बिरोधर ङए ख लसि पोंमिंन्, छलु म्हिलु लब्मैं नेरो दुष्‍ट म्हिमैंउँइँले ङलाइ जोगेमिंन्!

१ कोरिन्थी 10:13

म्हिए फिर तखबै जाँच बाहेक अरू जाँच क्‍हेमैंए फिर आतइमुँ। दिलेया परमेश्‍वर भर लल् खाँब मुँ, खीजी फैबै बाछा पूरा लम्। छतसि क्‍हेमैंइ सैदिलै आखाँबै जाँचर खीजी फेल् आपिं। जाँचर फेमा सैदिल् खाँरिगे बिसि खीजी क्हेमैंलाइ जाँचउँइँले स्योरल् खाँबै घ्याँ या पिंमुँ।