भजनमैं 71:17 - परमेश्‍वरए ताँ तमु क्युइर

¹⁷ ओ परमेश्‍वर, ङ फ्रेंसि तब् ओंनोंबै क्हिजी ङलाइ लोमिंइमुँ, छतसि क्हिजी लबै औदिबै केमैंए बारेर तिंयाँबै त्हिंइ समा ङइ बिप्रइमुँ।

भजनमैं 71:17 ပူးပေါင်းရင်းမြစ်များ

भजनमैं 119:102

क्हिए निसाफमैंइ बिब् धोंलेन् ङ प्ररिइमुँ, तलेबिस्याँ छले प्रबर क्हिजीन् ङ लोमिंइमुँ।

भजनमैं 119:9

फ्रेंसि म्हिइ आछ्याँबै केमैंउँइँले ह्रोंसलाइ खैले जोगेसि थेंल् खाँम्? क्हिए ताँइ बिब् धोंले प्रसिन् ग।

भजनमैं 26:7

थेबै कै तेसि धन्यबादए क्वे प्रिंदै क्हिजी लबै औदिबै केमैंए बयन ङइ लप्रम्।

भजनमैं 66:16

परमेश्‍वरलाइ मान लब्मैं, ताँन् खसि थेद्, ङए ल्हागिर खीजी लमिंबै केमैं ङलाइ बिल् पिंन्।

भजनमैं 71:5

तलेबिस्याँ, ओ याहवेह परमेश्‍वर, ङइ क्हिए फिर आशा लइमुँ, ङ फ्रेंसि तब् ओंनोंन् ङइ क्हिए फिर भर थेंइमुँ।

भजनमैं 73:28

दिलेया परमेश्‍वरने चेंदो तरिब ङए ल्हागिर छ्याँब ग, याहवेह परमेश्‍वरए प्हलेर्न ङ ग्वार योंबर खइमुँ। छतसि क्हिए ताँन् केमैंए बयन ङइ लब्मुँ।