भजनमैं 71:15 - परमेश्‍वरए ताँ तमु क्युइर

¹⁵ क्हिजी लबै ठिक केमैं नेरो क्हिजी ङ जोगेमिंबै बारेर त्हिंइतिमि ङए सुँइ पोंब्मुँ। दिलेया च केमैं कति मुँ बिब ङइ आसे।

भजनमैं 71:15 ပူးပေါင်းရင်းမြစ်များ

भजनमैं 145:2

त्हिंइ ह्रोंसे ङ क्हिलाइ धन्यबाद पिंब्मुँ धै खोंयोंन् बिलै ङ क्हिए मिं थेब् लब्मुँ।

भजनमैं 30:12

छतसि ङ तोइ आबिल्‍ले टिरिब् आरे, ङ क्हिलाइन थेब् लबै क्वेमैं प्रिंमुँ। ओ ङए याहवेह पारमेश्‍वर, ङ खोंयोंन् बिलै क्हिलाइन धन्यबाद पिंरिब्मुँ।

भजनमैं 35:28

क्हिजी लबै ठिक केमैंए बयन लदै ङ खोंयोंन् बिलै क्हिए मिं क्वेरिब्मुँ।

भजनमैं 40:12

तलेबिस्याँ ङए फिर ल्हें दुःख तइमुँ; ङइ लबै आछ्याँबै केमैंइ लमा ङ क्र ओलै आखाँन् तयाइमुँ; क्रप्हो भन्दा ल्हें दु:खमैं ङए फिर तबइले ङइ मि या छेन्ले आम्रों; छतसि ङए सैं बेल्‍ले च्योंयाइमुँ।

भजनमैं 40:5

ओ याहवेह, ङए परमेश्‍वर, क्हिजी लबै औदिबै केमैं नेरो क्हिजी ङिए ल्हागिर लबै चाँजोमैं ल्हेंन् मुँ। क्हिजी लबै औदिबै केमैं ल्हेंन् मुँ, छतसि ङइ च केमैंए बयन लल् आखाँ। क्हि धों तब अरू खाबै आरे!

भजनमैं 40:6

ख्रो नेरो भेटि क्हिजी आम्है, मिर ख्रोंसि पिंबै ख्रो नेरो पाप ख्रुबै ल्हागिर्बै ख्रो क्हिजी आह्रि। बरु क्हिए ताँ थेबै ल्हागिर क्हिजी ङए न्हमैं थोमिंइमुँ।

भजनमैं 51:16

क्हि ख्रोर सैं तोंस्याँ क्हिए मिंर ङइ ख्रो पिंमल, दिलेया मिर ख्रोंसि पिंबै ख्रोमैंरै या क्हि सैं आतों।

भजनमैं 71:24

ङए न्होह्रों लल् म्हैब्मैं फापिसि खैला तोला तबर फेइमुँ, छतसि ङए लेइ त्हिंइतिमिंन् क्हिजी लबै ठिक केमैंए बयन लब्मुँ।

भजनमैं 71:8

ङए सुँइ क्वे प्रिंसि क्हिए मिं थेब् लरिमुँ, धै त्हिंइतिमिन् ङइ क्हिए थेबै मिंए बारेर बिप्रम्।

भजनमैं 73:28

दिलेया परमेश्‍वरने चेंदो तरिब ङए ल्हागिर छ्याँब ग, याहवेह परमेश्‍वरए प्हलेर्न ङ ग्वार योंबर खइमुँ। छतसि क्हिए ताँन् केमैंए बयन ङइ लब्मुँ।

भजनमैं 89:16

चमैं त्हिंइतिमिन् क्हिए मिं किंसि सैं तोंम्, धै क्हिजी लबै ठिक केमैं म्रोंसि चमैं आनन्द तम्।

हितोपदेश 5:2

छलस्याँ छ्याँबै घ्याँर खैले प्रल् त्हुम् बिबै ताँ क्हिइ सेब्मुँ, धै क्हिए म्हदेइ ज्ञान बुद्धिए ताँ पोंब्मुँ।