भजनमैं 71:14 - परमेश्‍वरए ताँ तमु क्युइर

¹⁴ दिलेया ङ बिस्याँ खोंयोंन् बिलै क्हिए फिर आशा लरिब्मुँ, धै क्हिलाइन झन् थेब् लब्मुँ।

भजनमैं 71:14 ပူးပေါင်းရင်းမြစ်များ

भजनमैं 130:7

ओ इस्राएल, याहवेहए फिर आशा थेंन्! तलेबिस्याँ याहवेजी खोंयोंन् बिलै म्याँया लरिम्, धै तोंन्दोरि आछ्याँबै सैउँइँले खीजीन् जोगेमिंम्।

भजनमैं 43:5

ओ ङए सैं, क्हि तले आतोंल? ओ ङए खों, क्हि तले च्हतर्ले आदेल? क्हिए आशा परमेश्‍वरने थेंन्; तलेबिस्याँ खी ङलाइ मुक्‍ति पिंबै परमेश्‍वर ग। छतसि ङ अझै खीलाइना थेब् लब्मुँ।

भजनमैं 71:6

फिब् ओंनोंन् ङइ क्हिए फिर भर लइमुँ; ङ‍ए आमाए प्होउँइँले तेमिंब क्हिन् ग। छतसि खोंयोंन् बिलै ङ क्हिए मिं थेब् लरिब्मुँ।

फिलिप्पी 1:9

क्‍हेमैंए ल्हागिर ङए प्राथना चुन् मुँ: क्‍हेमैंए म्हाँया बेल्‍ले बडिदै ह्‍यारिगे, धै ज्ञान नेरो छेनाले क्‍होबै बुद्धि बेल्‍ले ल्‍हें योंरिगे।

१ थेसलोनिकी 4:10

धै क्हेमैंइ माकेडोनिया ह्‍युलर्बै ताँन् प्रभुए फिर बिश्‍वास लबै अलि-अङाँमैंने क्ह्रोंसेंन म्हाँया लइमुँ। ओ अलि-अङाँमैं, छलेन अझै म्हाँया लरिद् बिसि ङि क्हेमैंलाइ अर्थि पिंमुँ।

हिब्रू 10:35

छतसि क्‍हेमैंइ लबै बिश्‍वास आपिद्, क्हेमैंए ल्हागिर थेबै इनाम मुँ।

१ पत्रुस 1:13

छतसि च्हैंब् मैंब् लद्, न्ह क्रों मि क्रों तद्। येशू ख्रीष्‍ट धबै स्‍वर्गउँइँले युमा क्हेमैंइ योंबै दयाम्हाँयार क्ह्रोंसेंन्बै आशा थेंन्।

२ पत्रुस 3:18

बरु ङ्योलाइ जोगेमिंबै प्रभु येशू ख्रीष्‍टए थेबै दयाम्हाँया नेरो बुद्धिर बडिदै ह्‍याद्। खीलाइ तोगो नेरो खोंयोंइ या थेबै मान तरिगे। आमेन, छान् तरिगे।

१ यूहन्‍ना 3:3

धै ख्रीष्‍टए फिर छाबै आशा थेंब्मैं ख्रीष्‍ट पबित्र मुँब् धोंले पबित्रले प्रम्।