भजनमैं 71:13 - परमेश्‍वरए ताँ तमु क्युइर

¹³ ङ छ्याब् ल्हैदिब्मैं फा पिसि मेब्रो तयारिगे; ङए न्होह्रों लल् म्हैब्मैं फापिन् तसि लि उँइँल् आखाँरिगे।

भजनमैं 71:13 ပူးပေါင်းရင်းမြစ်များ

एस्तर 9:2

च त्हिंइर म्रुँ अहासूरसए ग्याल्सर मुँबै क्ल्ह्‍यो-क्ल्ह्‍योर्बै ताँन् यहूदीमैं ह्रों-ह्रोंसए क्ल्ह्‍योर खेंमैंने नेबर खब्मैंलाइ सैब् बिसि खागु तल। छतसि म्हिमैं ङ्हिंसि चमैंने नेखल् आखाँ।

भजनमैं 109:29

ङए फिर छ्याब् ल्हैदिब्मैं फापिल् त्हुबै क्वें खिरिगे; धै फापिबै पछ्यौरइ चमैं हुवारिगे!

भजनमैं 132:18

चए शत्तुरमैंलाइ ङइ फापिल् लवाब्मुँ, दिलेया चए क्रर मुकुट चारब्मुँ।”

भजनमैं 35:26

ङए फिर दुःख तमा ङए बिल्‍लि लदै निस्योब्मैं ताँन् फापिल् त्हुरिगे धै खैलातोला तबर फेरिगे! “ङिम् च भन्दा थेब् ग,” बिसि प्हैंब्मैं या ताँन् लि उँइँलै आखाँल्‍ले फापिल् त्हुरिगे।

भजनमैं 35:4

ङलाइ सैल् म्हैब्मैं फापिसि लि उँइँलै आखाँन् तरिगे। ङए न्होह्रों लल् म्हैब्मैं ल्हावारिगे धै अलमल् तयारिगे!

भजनमैं 6:10

ङए ताँन् शत्तुरमैं फापिल् त्हुब्मुँ; धै खैता-खैता तयाब्मुँ, चमैं फाफिसि तिस्यार्न ङ ङाँइँले स्योयाब्मुँ।

भजनमैं 70:3

ङलाइ प्ह्रब्मैं फा फिसि लि उँइँलै आखाँरिगे।

भजनमैं 71:24

ङए न्होह्रों लल् म्हैब्मैं फापिसि खैला तोला तबर फेइमुँ, छतसि ङए लेइ त्हिंइतिमिंन् क्हिजी लबै ठिक केमैंए बयन लब्मुँ।

१ पत्रुस 5:5

छलेन ओ फ्रेंसि छमिमैं, क्हेमैंए चिब्मैंइ बिब् ङिंन्। क्‍हेमैं ताँन् ह्रोंस ह्रोंसए न्होंर थेब् आप्हैंन्ले घ्रिइ घ्रिए सेवा लद्, तलेबिस्याँ परमेश्‍वरए छ्वेर छले प्ह्रिइमुँ: “परमेश्‍वरजी थेब् प्हैंब्मैंए बिरोध लम्, दिलेया थेब् आप्हैंब्मैंए फिर आशिक पिंम्।”