भजनमैं 7:2 - परमेश्‍वरए ताँ तमु क्युइर

² क्हिजी आजोगेमिंस्याँ चमैंइ सिंहइ धोंले ङ रुएवाब्मुँ, धै ङलाइ फ्रेमिंबै म्हि खाबै आरेमा चमैंइ ङ कुदु-कुदु लवाब्मुँ।

भजनमैं 7:2 ပူးပေါင်းရင်းမြစ်များ

भजनमैं 10:9

झ्याडिए न्होंर लोसि पैंरिबै सिंह धोंले, ल्होबै म्हि खाबै आरेब्मैं क्हाबर च क्होइ टिम्, ल्होबै म्हिमैं खाबै आरेब्मैंलाइ चइ ह्रोंसए जालर चैं बोम्।

भजनमैं 11:1

ङ ग्वार योंबर याहवेहए प्हलेर्न खमुँ; छतसि “नमे धोंले ह्रोंसए कोंर प्हुर ह्‍याद्, बिसि क्हेमैंइ खैले ङने बिल् खाँमुँ,

भजनमैं 16:1

ओ परमेश्‍वर, ङ जोगेमिंन्, तलेबिस्याँ ङ क्हिए प्हलेर ग्वार योंबर खइमुँ।

भजनमैं 17:12

फो ख्रेंसि चबै सै म्हैप्रबै सिंह धोंन् चमैं तइमुँ, थेबै सिंह धोंले चमैं क्ह्‍वेइ टिइमुँ।

भजनमैं 22:13

फो ख्रेंसि ङ्‍हेदै ह्‍वाखबै सिंहमैं धोंले ङए न्होह्रों लबै ल्हागिर चमैंइ सुँ आँ लम्।

भजनमैं 31:2

ङइ ग्वार ह्रिमा न्ह तोमिंनु; युनन् ङ जोगेमिंनु! क्हि ङए रक्षा लबै पारा तमिंन्, ङलाइ जोगेबै भोंबै किल्‍ला तमिंन्!

भजनमैं 35:15

दिलेया ङए फिर दुःख तमा चमैं निस्योदै ङए बिरोधर खागु तइ; ङइ थाइ आसेल्‍ले ङए न्होह्रों लबर चमैं खागु तइ। चमैंइ खोंयोंइन ङए बिरोधर आछ्याँबै ताँमैंन् लरिइ।

भजनमैं 50:22

“ओ परमेश्‍वरलाइ आमैंब्मैं, छेनाले मैंन्। आमैंस्याँ ङइ क्हि कुदु-कुदु लवाब्मुँ, क्हिलाइ फ्रेमिंब खाबै तरिब् आरे!

भजनमैं 59:2

आछ्याँबै के लबै दुष्‍टमैंउँइँले ङ फ्रेमिंन्, ङलाइ सैल् म्हैबै म्हिमैंउँइँले ङ जोगेमिंन्।

हितोपदेश 19:12

म्रुँ ह्रिस खब सिंह ङ्‍हेब् धों तब् ग, दिलेया म्रुँइ ल्हयो खस्याँ छिर्बै शीत धों तम्।

२ तिमोथी 4:17

ताँन् म्हिमैंइ प्रभुए ताँ थेल् योंरिगे बिसि प्रभु ङए ङाँर रायुइ, धै खीए ताँ बिबै ल्हागिर ङलाइ भों पिंइ। छतसि ङ सिंहए सुँउँइँले स्योरसि खल् खाँइ।

१ पत्रुस 5:8

बरु न्ह क्रों मि क्रोंले टिद्, तलेबिस्याँ क्‍हेमैंए शत्तुर दियाबलस बिबै दुष्‍ट खाबलाइ सैसि चब् ङ्‍हे बिसि सिंह धोंले बेल्‍ले थेबै कै तेदै स्युर प्रम्।