भजनमैं 7:1 - परमेश्‍वरए ताँ तमु क्युइर

¹ ओ ङए याहवेह परमेश्‍वर, ङ ग्वार योंबर क्हिए प्हलेर्न खमुँ; ङलाइ दुःख पिंबर ल्हाखब्मैं ताँनउँइँले ङ जोगेमिंन् धै फ्रेमिंन्।

भजनमैं 7:1 ပူးပေါင်းရင်းမြစ်များ

भजनमैं 11:1

ङ ग्वार योंबर याहवेहए प्हलेर्न खमुँ; छतसि “नमे धोंले ह्रोंसए कोंर प्हुर ह्‍याद्, बिसि क्हेमैंइ खैले ङने बिल् खाँमुँ,

भजनमैं 13:3

ओ याहवेह ङए परमेश्‍वर, ङए फिर मि ङ्‍ह्‍योमिंन्, धै ङने ज्वाफ पिंन्, ङलाइ धबै भों पिंन्, आस्याँ ङ क्रोंर फेब्मुँ।

भजनमैं 13:5

दिलेया क्हिए खोंयोंइ आनुबै म्हाँयार ङइ सैं केंइमुँ, क्हिजी ङ जोगेमिंबइले ङए सैं तोंब्मुँ।

भजनमैं 18:2

याहवेह ङ लोबै पारा, ङए किल्‍ला नेरो ङ जोगेमिंबै ङए परमेश्‍वर ग। ङए परमेश्‍वर ङ रक्षा लमिंबै पारा ग। ढाल धोंले भोंब् तसि खीजी ङलाइ जोगेमिंम्! ङ खाबज्यै तोइ लल् आखाँबै क्ल्ह्‍योर खीजी थेंमिंइ।

भजनमैं 18:28

ओ याहवेह, क्हिजी ङए बत्ति लुँरिल् पिंम्, ङ मिछु खैबर प्ररिमा ङए परमेश्‍वरजी मि म्रोंल् लमिंम्।

भजनमैं 25:2

ओ ङए परमेश्‍वर, ङइ क्हिए फिर्न भर लइमुँ, ङलाइ फा पिन् आलमिंन्, ङए शत्तुरमैं ङए फिर ट्होगों तल् आपिंन्।

भजनमैं 26:1

ओ याहवेह, ङने तोइ छ्याब् आरे बिसि उँइँमिंन्, तलेबिस्याँ ङइ छ्याब् खबै केमैं आलइमुँ, धै ङइ तिफुँइ छाइ-छुइ आतल्‍ले क्हिए फिर्न भर लइमुँ।

भजनमैं 3:7

ओ याहवेह ल्हुसे! ओ ङए परमेश्‍वर, ङलाइ जोगेमिंन्! ङए ताँन् शत्तुरमैंए क्ह्राँबोर ल्हिमिंन्; धै दुष्‍टमैंए स चोमिंन्।

भजनमैं 30:12

छतसि ङ तोइ आबिल्‍ले टिरिब् आरे, ङ क्हिलाइन थेब् लबै क्वेमैं प्रिंमुँ। ओ ङए याहवेह पारमेश्‍वर, ङ खोंयोंन् बिलै क्हिलाइन धन्यबाद पिंरिब्मुँ।

भजनमैं 30:2

ओ ङए याहवेह परमेश्‍वर, ङ नमा ङइ क्हिने ल्होमिंन् बिसि ग्वार ह्रिइ, धै क्हिजी ङ सल् लमिंइ।

भजनमैं 31:15

ङए छ्ह क्हिए योर्न मुँ; ङए शत्तुरमैं नेरो ङलाइ ह्रुगुदिब्मैंए योउँइँले ङ जोगेमिंन्!

भजनमैं 32:10

दुष्‍ट म्हिमैंइ ल्हें दुःख योंल् त्हुब्मुँ, दिलेया याहवेहए फिर भर लब्मैंलाइ बिस्याँ खीजी खोंयोंइ आनुबै म्हाँया लसि रक्षा लमुँ।

भजनमैं 43:4

ओ परमेश्‍वर, ङए परमेश्‍वर, छलस्याँ क्हिए मिंर ख्रो पिंबै क्ल्ह्‍योर ङ फेनेब्मुँ, धै ङए सैं तोंन् लबै परमेश्‍वरए मिंर ङइ बीणा ह्रादै क्हिए क्वे प्रिंब्मुँ।

भजनमैं 89:26

चइ ङने छ बिसि बिन्ति लब्मुँ, ‘क्हि ङए आबा, ङए परमेश्‍वर ग, धै क्हिजी ङ जोगेमिंसि रक्षा लमिंम्।’

१ पत्रुस 1:21

क्‍हेमैंइ ख्रीष्‍टउँइँले परमेश्‍वरए फिर बिश्‍वास लइ। परमेश्‍वरजी ख्रीष्‍टलाइ सिबउँइँले धबै सोगों लमिंसि बेल्‍ले थेबै मान पिंइ, छतसि क्‍हेमैंइ परमेश्‍वरए फिर बिश्‍वास नेरो आशा थेंल् खाँइ।

१ पत्रुस 4:19

छतसि परमेश्‍वरए सैंर मैंब् धोंबै दु:ख योंब्मैंइ छ्याँबै केन् लरिगे, धै तोन्दोंरि सै बनेबै भर लल् खाँबै परमेश्‍वरनेन् चमैंइ ह्रोंसए प्ल्ह सुम्पिदिरिगे।