भजनमैं 69:6 - परमेश्‍वरए ताँ तमु क्युइर

⁶ ओ याहवेह, ताँन् भन्दा थेबै प्रभु, ङइ लमा क्हिने आशा थेंब्मैं फापिल् आत्हुरिगे। ओ इस्राएलए परमेश्‍वर ङइ लमा क्हिलाइ म्हैब्मैं फापिल् आत्हुरिगे।

भजनमैं 69:6 ပူးပေါင်းရင်းမြစ်များ

भजनमैं 25:3

क्हिए फिर भर थेंब्मैं खाबै या खोंयोंइ फा पिल् त्हुरिब् आरे, दिलेया फाकर्न धोका पिंब्मैं फा पिल् त्हुब्मुँ।

भजनमैं 35:26

ङए फिर दुःख तमा ङए बिल्‍लि लदै निस्योब्मैं ताँन् फापिल् त्हुरिगे धै खैलातोला तबर फेरिगे! “ङिम् च भन्दा थेब् ग,” बिसि प्हैंब्मैं या ताँन् लि उँइँलै आखाँल्‍ले फापिल् त्हुरिगे।

भजनमैं 7:7

ह्रें-ह्रेंमैं क्हिए कारग्यु तरिगे, धै नुबै क्ल्ह्‍योउँइँले चमैंए फिर ग्याल्स लद्।

भजनमैं 72:18

याहवेह परमेश्‍वरजी मत्‍त्रे औदिबै केमैं लम्, छतसि इस्राएलए परमेश्‍वरए मिं थेब तरिगे।

चेला चिब्मैंए केमैं 13:17

इस्राएली ह्रेंर्बै परमेश्‍वरजी ङ्योए खेमैं त्हाँइ। चमैं मिश्र ह्‍युलर टिमा खीजी चमैंलाइ थेबै ह्रें लमिंइ, धै खीए शक्‍ति मुँबै योजी चमैं च ह्‍युलउँइँले तेसि पखमिंइ।

चेला चिब्मैंए केमैं 13:23

परमेश्‍वरजी बाछा लब् धोंले दाऊदए सन्तानउँइँले इस्राएलीमैं जोगेमिंबै ल्हागिर खीजी येशूलाइ कुल्मिंइ।

चेला चिब्मैंए केमैं 4:7

चमैंइ पत्रुस नेरो यूहन्‍नालाइ म्हाँजोर राल् पिंसि “क्हेमैंइ खाब् शाक्‍तिउँइँले नेरो खाबै मिंर चु के लल?” बिसि ङ्योएइ।