भजनमैं 69:5 - परमेश्‍वरए ताँ तमु क्युइर

⁵ ओ परमेश्‍वर, ङ आमादु मुँ बिब क्हिजी सेइमुँ; ङइ लबै आछ्याँबै केमैं क्हिजी म्रोंइमुँ।

भजनमैं 69:5 ပူးပေါင်းရင်းမြစ်များ

भजनमैं 17:3

क्हिजी ङए खोंर तोइ आछ्याँबै सै मुँ उ? बिसि म्हैलै या धै म्हुँइँसरै या ङए जाँच ललेया या ङए खों न्होंर क्हिजी आछ्याँबै सै तोइ योंरिब् आरे। ङए सुँइ पोंबै ताँइ खाबलाज्यै या सैं नल् लरिब् आरे बिसि ङइ मैंइमुँ।

भजनमैं 19:12

ह्रोंसइ लबै गल्तिमैं खाबइ सेल् खाँम् रो? खाबज्यै सेल् आखाँ। छतसि ङइ था आसेल्‍ले लबै गल्तिमैं क्षमा लमिंन्।

भजनमैं 35:19

तोन् तोर्न ङए बिरोध लबै शत्तुरमैं ङ म्रोंसि सैं तोंल् आयोंरिगे, धै तोन् तोर्न ङलाइ हेल् लब्मैंइ मि स्युरसि ङलाइ प्ह्रल् आयोंरिगे।

भजनमैं 38:5

ङ आमादु तसि आछ्याँबै केमैं लबइले, ङए घामैं पौदिसि क्राँथाँ नाँइमुँ।

भजनमैं 38:9

ओ याहवेह, ङए सैंर मुँबै ताँन् ताँमैं क्हिजी सेइमुँ; ङए दुःख या क्हिजी म्रोंइमुँ।