भजनमैं 69:4 - परमेश्‍वरए ताँ तमु क्युइर

⁴ तोन् तोर्न ङलाइ आखोब्मैं ङए क्रप्होमैं भन्दा ल्हें मुँ; तोन् तोर्न ङए शत्तुरमैं ल्हें मुँ; चमैंइ ङ सैल् म्हैम्। ङइ आलुडिबै सैमैं या चमैंइ खैले बिलेया पिंन् बिम्।

भजनमैं 69:4 ပူးပေါင်းရင်းမြစ်များ

भजनमैं 35:19

तोन् तोर्न ङए बिरोध लबै शत्तुरमैं ङ म्रोंसि सैं तोंल् आयोंरिगे, धै तोन् तोर्न ङलाइ हेल् लब्मैंइ मि स्युरसि ङलाइ प्ह्रल् आयोंरिगे।

भजनमैं 40:12

तलेबिस्याँ ङए फिर ल्हें दुःख तइमुँ; ङइ लबै आछ्याँबै केमैंइ लमा ङ क्र ओलै आखाँन् तयाइमुँ; क्रप्हो भन्दा ल्हें दु:खमैं ङए फिर तबइले ङइ मि या छेन्ले आम्रों; छतसि ङए सैं बेल्‍ले च्योंयाइमुँ।

भजनमैं 59:3

ङ्ह्‍योद्! ङलाइ सैबर चमैं ह्रेसि टिइमुँ; चमैं ङए बिरोधर रासि “खैले चलाइ सैल् योंब् ङ्‍हे?” बिसि ङलाइ च्ह्‍याइ टिइमुँ। दिलेया ओ याहवेह, ङइ तोइ अपराध, तोइ पाप आलइमुँ,

भजनमैं 6:7

न्हुँइ लमा ङए मि आचारब् तइमुँ; ङए शत्तुरमैंइ दुःख पिंबइले ङ छेनाले म्रोंल् आखाँब् तइमुँ।

यूहन्‍ना 15:25

दिलेया छ्वेर प्ह्रिथेंबै चु ताँ पूरा तबर छ तब् ग, ‘चमैंइ तोनतोर्न ङलाइ हेल लइ बिसि चर प्ह्रिथेंइमुँ।’

२ कोरिन्थी 5:21

तलेबिस्याँ ङ्यो ख्रीष्‍टउँइँले ठिक ठर्दिरिगे बिसि तोइ पाप आरेबै येशू ख्रीष्‍टलाइ परमेश्‍वरजी ङ्योइ लबै पापए ति नोल् पिंइ।

१ पत्रुस 2:22

खीजी तोइ पाप आल, खीजी खोंयोंइ या स्‍योर आते।

१ पत्रुस 2:24

ङ्यो पापए ल्हागिर सिसि आछ्याँबै के लब् पिसि छ्याँबै के लदै छ्ह थोरिगे बिसि ङ्योइ लबै पापए सजैं खीए ज्युर नोसि ख्रीष्‍ट क्रूसर सिमिंइ। खीजी चबै चोटउँइँलेन् क्‍हेमैं सयाइमुँ।

१ पत्रुस 3:18

तलेबिस्याँ ङ्योलाइ परमेश्‍वर ङाँर बोबर ख्रीष्‍टै या पापिमैंए ल्हागिर तिल सिमिंइ। पापिमैंए ल्हागिर खीजी दु:ख योंइ। दिलेया म्हिमैंइ खीलाइ सैवालेया प्ल्हए शक्‍तिजी खीलाइ सोगों लमिंइ।