भजनमैं 69:2 - परमेश्‍वरए ताँ तमु क्युइर

² ङ हिलर प्ल्हुँबि छेइमुँ, चर ङए प्हले म्हैबै क्‍ल्‍ह्‍यो आरे; गैरु क्युर ङ प्ल्हुँबि छेइमुँ, बाढि ङए फिर प्ल्होंखइमुँ।

भजनमैं 69:2 ပူးပေါင်းရင်းမြစ်များ

भजनमैं 32:6

छतसि क्हिलाइ त्होल् खाँबै त्हे मुँमन् क्हिजी बिब् ङिंब्मैं ताँनइ प्राथना लरिगे। छलमा प्ल्हों खबै भेल्गज्यै या चमैंलाइ छुइरिब् आरे।

भजनमैं 40:2

खीजी ङलाइ नास तबै होंल्दोउँइँले नेरो हिलए ढाबउँइँले तेसि पखइ, खीजी ङए प्हले पाराए फिर थेंमिंइ, धै ङ राबर भोंबै क्‍ल्‍ह्‍यो पिंइ।

योना 2:6

ङम् क्यु न्होंर्बै कोंमैंए तेंर्न फेनेल। चर क्रोंइ ङलाइ त्होंल् आपिं; दिलेया ओ ङए याहवेह परमेश्‍वर, क्हिजी ङ क्रोंउँइँले तेइरि पखइ।

मत्ती 7:25

झाइले थेबै नाँ खैं तसि प्हलें युसि च धिंए फिर उँयाँलेया च धिं आफु। तलेबिस्याँ च धिं गैरु जग तासि पारा फिर बनेल।