भजनमैं 69:17 - परमेश्‍वरए ताँ तमु क्युइर

¹⁷ क्हिए लि ह्रोंसए केब्छैंउँइँले आलोमिंनु; तलेबिस्याँ ङए फिर थेबै दुःख तइ। छतसि युनन् ज्वाफ पिंन्।

भजनमैं 69:17 ပူးပေါင်းရင်းမြစ်များ

भजनमैं 102:2

ङए फिर दुःख तमा क्हिए लि ङ ङाँइँले आलोमिंन्! क्हिए न्ह ङ ङाँइ तोमिंन्; धै ङइ ग्वार ह्रिमा ङलाइ युनन् ज्वाफ पिंन्!

भजनमैं 13:1

ओ याहवेह, खोंयों समा क्हिजी ङ म्‍लेमुँ? क्हिजी खोंयोंइन म्‍लेवाम्‍मा? क्हिजी ह्रोंसए लि ङने खोंयों समा लोरिम्?

भजनमैं 143:7

ओ याहवेह, ङइ ग्वार ह्रिब युनन् थेमिंन्, ङए सैं खैता-खैता तइमुँ! ङने बालु क्हिए लि आलोमिंनु, आस्याँ ङ क्रोंर फेनेब्मैं धोंन् तब्मुँ।

भजनमैं 143:9

ओ याहवेह, ङए शत्तुरमैंउँइँले ङ जोगेमिंनु! तलेबिस्याँ क्हिए प्हलेर्न ङ ग्वार योंबर खइमुँ!

भजनमैं 22:24

तलेबिस्याँ आगुइ ह्रुगुदिसि दुःख योंबै म्हिलाइ खीजी ल्होमिंम्, हेलै या आल, खीजी ह्रोंसए मोंडा छाबै म्हिमैंउँइँले आलो, चइ ल्होमिन् बिसि ग्वार ह्रिमा खीजी थेम्।

भजनमैं 27:9

ओ ङए मुक्‍ति पिंबै परमेश्‍वर! क्हिए मोंड ङ ङाँइँले आलोमिंन्, ह्रिस खमा क्हिए के लबै म्हिलाइ आस्योमिंन्। ङलाइ जोगेमिंबै परमेश्‍वर क्हि ग। छतसि ङलाइ आपिमिंन्।

भजनमैं 40:13

ओ याहवेह, ङलाइ जोगेमिंबै सैं लमिंन्! ओ याहवेह, ङ ल्होबर युनन् युमिंन्!

भजनमैं 44:24

ङि ङाँइले तले ह्रेंगो तल? ङि फिर तबै दुःख नेरो कष्‍ट तले म्‍लेल?

भजनमैं 66:14

ङ दुःखर मुँबै त्हेर ङइ क्हिने लबै भकल पूरा लब्मुँ।

भजनमैं 70:1

ओ परमेश्‍वर, ङलाइ युनन् जोगेमिंन्! ओ याहवेह, ङ ल्होबर युनन् युमिंन्!

मत्ती 26:38

छतमा खीजी चमैंने बिइ, “ङए सैंर थेबै शोक तसि सिब् धोंन् तइमुँ। क्‍हेमैं न्हरु आच्हुल्‍ले ङने बालुन् चुर्न टिद्।”

मत्ती 27:46

सों ह्राबै त्हेजरे येशू छ बिदै थेबै कैले ओरइ, “इलोइ, इलोइ, लामा सबखथनि?” (चुए अर्थ “ओ ङए परमेश्‍वर, ओ ङए परमेश्‍वर, क्‍हिजी ङलाइ तले पिवाल?”)