भजनमैं 69:16 - परमेश्‍वरए ताँ तमु क्युइर

¹⁶ ओ याहवेह, क्हिए खोंयोंइ आनुबै म्हाँया थेब मुँ, छतसि ङ ज्वाफ पिंनु; क्हिजी थेबै ल्हयो खसि ङए वास्ता लमिंन्।

भजनमैं 69:16 ပူးပေါင်းရင်းမြစ်များ

भजनमैं 106:45

खीजी चमैंए ल्हागिर ह्रोंसइ फैबै बाछा मैंइ, धै चमैंए फिर खोंयोंइ आनुबै म्हाँया लबइले खीए सैं एइ।

भजनमैं 109:21

दिलेया ओ याहवेह, ङए थेबै प्रभु, ङइ क्हिए मिं थेब लरिगे बिसि ङए फिर ल्हयो खमिंन्; क्हिए खोंयोंइ आनुबै म्हाँया बेल्‍ले थेब मुँ, छतसि ङलाइ जोगेमिंन्।

भजनमैं 18:5

क्रोंर्बै छोमैंइ ङ फैवाइ, कालए ङोइ ङए घ्याँ थोइ।

भजनमैं 25:16

ङ ङाँइ तोमिंन् धै ङए फिर दयाम्हाँया लमिंन्, तलेबिस्याँ ङ घ्रिन् मुँ धै ङए फिर दुःख तइमुँ।

भजनमैं 26:11

दिलेया ङइमि छ्याब् आखबै छ्ह थोइमुँ; छतसि ङलाइ जोगेमिंन्, ङए फिर दयाम्हाँया लमिंन्।

भजनमैं 36:7

ओ याहवेह, क्हिए खोंयोंइ आनुबै म्हाँया बेल्‍ले थेब मुँ! ताँन् म्हिमैंइ क्हिए प्ह्‍यागोमैं न्होंर ग्वार योंम्।

भजनमैं 51:1

ओ परमेश्‍वर, क्हिए खोंयोंइ आनुबै म्हाँयाइ ङए फिर ल्हयो खमिंन्। क्हिजी लबै थेबै म्हाँयाउँइँले ङए पापमैं त्होमिंन्।

भजनमैं 63:3

ङए ल्हागिरि क्हिए खोंयोंइ आनुबै म्हाँया छ्ह भन्दा थेब मुँ, छतसि ङए म्हदिइ क्हिए मिं थेब् लब्मुँ।

भजनमैं 69:13

दिलेया, ओ याहवेह, ङ क्हिनेन् प्राथना लम्। क्हिजी तोक्दिबै त्हेर, ओ परमेश्‍वर, क्हिए खोंयोंइ आनुबै म्हाँयाइ लमा क्हिजी खैलेबिलै ङलाइ जोगेमिंम् बिसि ज्वाफ् पिंन्।