भजनमैं 68:6 - परमेश्‍वरए ताँ तमु क्युइर

⁶ खाबै आरेबै म्हिमैंलाइ खीजी परवा पिंम्; झेलर मुँब्मैंलाइ तेसि सैं तोंल् पिंम्; दिलेया परमेश्‍वरजी बिब् आङिंब्मैं बिस्याँ त्हिंयाँइ ख्रोंबै क्‍ल्‍ह्‍योर टिम्।

भजनमैं 68:6 ပူးပေါင်းရင်းမြစ်များ

भजनमैं 10:14

दिलेया ओ परमेश्‍वर, क्हिजी दुःख योंब्मैंए दुःख म्रोंमुँ, क्हिजी चमैंए दुःख ह्रोंसए योर्न किंमुँ, दुःख योंब्मैं ताँन् क्हिए प्हलेर्न खमुँ, खाबै आरेब्मैंलाइ ल्होमिंब क्हिन् ग।

भजनमैं 107:10

को-कोइलाइ दु:ख नेरो सँउँलिइ फैथेंमल, चमैं मिछु खैबै कालए छरि न्होंर टिमल,

भजनमैं 107:14

खीजी मिछु खैबै कालए छरि न्होंउँइँले चमैंलाइ बैरु पखइ, धै खीजी चमैंए फैछोमैं कुदु-कुदु लवाइ।

भजनमैं 107:34

धै मलिलो सलाइ चज ङ्हाँबै ह्रुखो लमिंइ। चर टिबै म्हिमैंइ आछ्याँबै केमैं लबइले छ तब् ग।

भजनमैं 113:9

थरिस्योलाइ खीजी सैं तोंल्‍ले टिबै ल्हागिरि परवा पिंम्। याहवेहए मिं थेब् लद्!

भजनमैं 146:7

आगुइ क्र ओलै आपिंब्मैंलाइ याहवेहजी ठिक निसाफ लमुँ, खीजी फो ख्रेंब्मैंलाइ चल् पिंमुँ। याहवेहजी कैदिमैं बैरु तेमिंम्,

भजनमैं 69:33

तलेबिस्याँ याहवेहजी दुःख योंब्मैंए ताँ थेम्, धै झेलर च्युवाबै ह्रोंसए म्हिमैंलाइ खीजी वास्ता लम्।

हितोपदेश 23:11

तलेबिस्याँ चमैंलाइ ल्होमिंबै परमेश्‍वर बेल्‍ले भोंब मुँ; क्हिए बिरोधर खीजी चमैंए मुद्दा नेमिंब्मुँ।

चेला चिब्मैंए केमैं 16:26

च त्हेर्न एक्‍कासि थेबै सयो खसि झेलर्बै जगमैं लायाइ। च तोंदोंन् ताँन् म्रामैं थोंयाइ धै झेलर टिबै ताँन् म्हिमैंए फैसोमैं प्ल्हयाइ।

गलाती 4:27

च यरूशलेम ङ्हिंए बारेर परमेश्‍वरए छ्वेर छले प्‍ह्रिइमुँ, “ओ थरिस्योमैं, सैं तोंन्! ओ सुत्‍केरि बेथा सैदिल् आत्हुबै च्हमिरि, सैं तोंसि कै तेद्! तलेबिस्याँ प्युँ मुँबै च्हमिरिल् भन्दा प्‍युँइ वाबै च्हमिरिल् प्‍हसेमैं ल्‍हें तब्मुँ।”