भजनमैं 67:7 - परमेश्‍वरए ताँ तमु क्युइर

⁷ पृथ्‍बीर्बै ताँन् साँदर टिबै ह्रेंमैंइ परमेश्‍वर ङ्हिंरिगे बिसि खीजी ङ्योए फिर आशिक पिंरिगे।

भजनमैं 67:7 ပူးပေါင်းရင်းမြစ်များ

भजनमैं 22:27

ह्‍युलर मुँबै ताँन् ह्रेंमैंइ क्हिलाइन मैंब्मुँ धै क्हि ङाँइँन तोखब्मुँ। ह्रें-ह्रेंर्बै म्हिमैं ताँनइ क्हिलाइन फ्योब्मुँ।

भजनमैं 29:11

तोंन् तलेया याहवेहजी ह्रोंसए म्हिमैंए सैं ढुक्‍का लमिंम्। तलेबिस्याँ याहवेहजी ह्रोंसए म्हिमैंलाइ भों पिंम्।

भजनमैं 33:8

पृथ्बीर्बै ताँन् म्हिमैं याहवेह म्रोंसि ङ्हिंरिगे; ह्‍युलर टिबै ताँन् म्हिमैंइ खीलाइ म्हाँदिरिगे।

भजनमैं 65:5

ओ ङिलाइ जोगेमिंबै परमेश्‍वर, क्हिजी ठिक के लमा थेब्-थेबै केमैंउँइँले ङिलाइ ज्वाफ पिंम्। पृथ्‍बीर्बै ताँन् साँदर टिबै ह्रेंमैं नेरो ह्रें-ह्रेंगोर्बै मा ङ्युँइए रेजरेबै ताँन म्हिमैंइ क्हिए फिर्न आशा थेंरिम्।

भजनमैं 72:17

चए मिं खोंयोंन् बिलै तरिगे, त्हिंयाँ धोंले चए बयन ल्हें समा तरिगे! ताँन् ह्रेंमैंइ चउँइँले आशिक योंरिगे, धै चमैंइ चए मिं थेब् लरिगे।

भजनमैं 98:3

इस्राएलए परवाए फिर लबै खोंयोंइ आनुबै म्हाँया नेरो चमैंइ खोंयोंइ खीए फिर भर लल् खाँम् बिसि याहवेहजी मैंइमुँ। ङ्योए परमेश्‍वरजी जोगेमिंबै केमैं ह्‍युलर्बै ताँन् साँदर टिबै ह्रेंमैंइ म्रोंइमुँ।

चेला चिब्मैंए केमैं 13:26

“ओ आघें-अलिमैं, अब्राहामए सन्तान्मैं, नेरो परमेश्‍वर म्हाँदिबै अरू ह्रेंर्बै म्हिमैं! परमेश्‍वरजी ङ्योए ङाँर्न चु जोगेमिंबै ताँ कुल्मिंइँमुँ।

चेला चिब्मैंए केमैं 13:47

तलेबिस्याँ प्रभुजी ङिने छान् लद् बिइमुँ: ‘पृथ्‍बी तिगोंन् मुक्‍ति योंबै ताँमैं बिमिंबर अरू ह्रेंमैंए ल्हागिरि ह्‍वे तबर ङइ क्‍हि त्हाँइमुँ।’”

चेला चिब्मैंए केमैं 2:28

क्‍हिजी ङने छ्ह योंबै घ्‍याँ उँइँमिंइ, धै क्हि ङने बालु तसि ङए सैं बेल्‍ले तोंन् लमिंब्मुँ।’

गलाती 3:14

परमेश्‍वरजी अब्राहामने पिंबै आशिक येशू ख्रीष्‍टउँइँले अरू ह्रेंमैंज्यै या योंरिगे धै खीजी बाछा फैसि पिंम् बिबै पबित्र प्ल्ह ङ्योए बिश्‍वासउँइँले ङ्योइ योंरिगे बिसि ख्रीष्‍टजी सै फोसि ङ्योलाइ खामिंइ।

गलाती 3:9

छतसि अब्राहामइ परमेश्‍वरए फिर बिश्‍वास लसि आशिक योंइ, च धोंलेन् अरू म्हिमैंज्यै या परमेश्‍वरए फिर बिश्‍वास लस्याँ आशिक योंब्मुँ।

दर्शन 15:4

ओ प्रभु, क्‍हि म्रोंसि ताँन् म्‍हिमैं ङ्हिंल् त्‍हुम्, धै ताँन् म्हिमैंइ क्हिए मान लल् त्‍हुम्, तलेबिस्याँ क्‍हि मत्‍त्रे पबित्र परमेश्‍वर ग। ताँन् ह्रेंमैं क्‍हि ङाँर खसि क्हिलाइ फ्‍योब्‍मुँ, तलेबिस्याँ क्‍हिजी ठिक निसाफ लम् बिसि ताँनइ म्रोंल् खाँइमुँ।”