भजनमैं 66:3 - परमेश्‍वरए ताँ तमु क्युइर

³ “क्हिजी लबै केमैं औदिले छ्याँब मुँ!” बिसि परमेश्‍वरने बिद्। “क्हिए शक्ति बेल्‍ले थेब् मुँ, छतसि क्हिए शत्तुरमैं ङ्हिंसि क्हिए उँइँर कुरम्।

भजनमैं 66:3 ပူးပေါင်းရင်းမြစ်များ

भजनमैं 18:44

ङए ताँ थेबै तोंदोंन् चमैंइ ङइ बिब् धोंन् लम्, अरू ह्‍युलर्बै म्हिमैं या ङए उँइँर कुरम्।

भजनमैं 18:45

चमैं ङ्हिंसि लल-लुलु तयाम्, चमैं ह्रों-ह्रोसए लोबै किल्‍लाउँइँले ङ्हिंसि त्हारदै त्होंह्‍याम्।

भजनमैं 47:2

तलेबिस्याँ ताँन् भन्दा थेबै याहवेहने बेल्‍ले ङ्हिंल् त्हुब मुँ, पृथ्बी तिगोंर्बै थेबै म्रुँ खीन् ग।

भजनमैं 65:5

ओ ङिलाइ जोगेमिंबै परमेश्‍वर, क्हिजी ठिक के लमा थेब्-थेबै केमैंउँइँले ङिलाइ ज्वाफ पिंम्। पृथ्‍बीर्बै ताँन् साँदर टिबै ह्रेंमैं नेरो ह्रें-ह्रेंगोर्बै मा ङ्युँइए रेजरेबै ताँन म्हिमैंइ क्हिए फिर्न आशा थेंरिम्।

भजनमैं 68:30

काँसए घारिर टिबै च खेदो धों तबै मिश्र ह्‍युललाइ हौदिद्, मे प्हसेमैंए म्हाँजोर साँडेइ थाब् धों तबै च ह्रेंलाइ हौदिद्! चाँदिए भेटि पखसि चमैंइ क्हिलाइ कुरसि फ्योबर ल्हैदिद्। ल्हडें लदा ङ्हाँब्मैं खन्तोदोंन् प्हुँवाँन्।

भजनमैं 76:12

थेब् प्हैंबै क्रथे मिंथेमैं खीजी कुरवाम्; पृथ्‍बीर्बै म्रुँमैं खीने ङ्हिंम्।

भजनमैं 81:15

याहवेहलाइ तो धोंइ आङ्हाँब्मैं खी म्रोंसि ङ्हिंमल, दिलेया चमैंइ खोंयोंन् बिलै दण्ड योंरिल् त्हुमल।

प्रस्थान 15:21

मिरियमइ छ बिदै क्वे प्रिंबर होंइ, “याहवेहए मिंर क्वे प्रिंले, तलेबिस्याँ खीजी औदिबै के लसि ट्होइमुँ। घोडा नेरो चए फिर क्रेब्मैं खीजी मा ङ्युँइर (समुन्द्रर) भ्योंवाइमुँ।”