भजनमैं 66:18 - परमेश्‍वरए ताँ तमु क्युइर

¹⁸ ङए सैंइ पाप मैंरिस्याँ परमेश्‍रजी ङए ताँ आथेमल।

भजनमैं 66:18 ပူးပေါင်းရင်းမြစ်များ

हितोपदेश 15:29

दुष्‍ट म्हिमैंउँइँले याहवेह ह्रेंगो टिम्, दिलेया ठिक के लब्मैंए प्राथना खीजी थेम्।

हितोपदेश 15:8

दुष्‍ट म्हिइ पिंबै ख्रो याहवेहजी आखो, दिलेया सोजो म्हिइ लबै प्राथना थेसि खी सैं तोंम्।

हितोपदेश 21:13

दुःख योंबै म्हिइ ग्वार ह्रिमा थबै न्ह आलल्‍ले टिबै म्हिइ ग्वार ह्रिमा चलाइ खाबज्यै ल्होरिब् आरे।

हितोपदेश 28:9

ठिमइ बिब् धों आलबै म्हिए प्राथना याहवेहजी आखो।

यूहन्‍ना 9:31

परमेश्‍वरजी पापिमैं ताँ आथे, दिलेया परमेश्‍वरने ङ्हिंसि खीए मान लब्‍मैं नेरो खीजी बिब् धोंले के लब्‍मैंए ताँ परमेश्‍वरजी थेम् बिसि ङ्योइ सेइमुँ।

याकूब 4:3

धै क्‍हेमैंइ परमेश्‍वरने ह्रिलेया आयों, तलेबिस्याँ क्‍हेमैंइ ह्रोंसए सयल थोबै ल्हागिर मत्‍त्रे आछ्याँबै सैंइ ह्रिम्।