भजनमैं 66:12 - परमेश्‍वरए ताँ तमु क्युइर

¹² क्हिजी म्हिमैंलाइ ङिए क्र फिर प्लेल् पिंइ, ङि मि नेरो क्युउँइँले तसि ह्‍याइ, दिलेया क्हिजी छ्याजाल्हुलु तबै क्‍ल्‍ह्‍योर ङि पखमिंइ।

भजनमैं 66:12 ပူးပေါင်းရင်းမြစ်များ

भजनमैं 33:19

छतसि चमैंलाइ सोगों थेंबै ल्हागिर अँङ्गालरै या खीजी चमैंलाइ तोइ सैरै या खाँचो आलमिं।

लूका 16:25

“दिलेया अब्राहामइ बिइ, ‘बाबु, क्‍हिइ मैंन्। क्‍हिए छ्हर छ्याँ-छ्याँबै सैमैं योंसि क्हिइ सुखले छ्ह थोइ। दिलेया लाजरसइ दुःखै दुःखर्न छ्ह थोइ। दुःख योंलेया चइ परमेश्‍वर मैंइ, क्हिइ बिस्याँ परमेश्‍वर खोंयोंइ आमैं, ङम् ङन् ग बिसि टिइ। छतसि तोगो लाजरसइ चुर सुख योंइमुँ, क्‍हिइ बिस्याँ चर दुःख योंइमुँ।

चेला चिब्मैंए केमैं 14:22

चमैंइ च क्ल्ह्‍योर्बै चेलामैंए सैं भोंब् लमिंदै “खोंयोंन् बिलै परमेश्‍वरए ताँर बिश्‍वास लसि टिरिद्,” बिसि अर्थि पिंइ, धै “परमेश्‍वरए ग्याल्सर होंबै ल्हागिर ङ्योइ ल्हें दुःख सैदिल् त्हुम्,” बिबै ताँ या लोमिंइ।

याकूब 5:11

च आङ्हिंन्ले दुःख सैदिबै म्‍हिमैंने ङ्योइ ङ्‍हो सब्मैं बिम्। स्‍योंम्‍बै अय्यूब बिबै म्‍हिइ सैदिबै दु:ख नेरो प्रभुजी लिउँइँ चए फिर ल्हें आशिकइ प्लिंमिंइ बिबै ताँ या क्‍हेमैंइ थेइमुँ। छतसि प्रभुजी दयाम्हाँया लम् बिबै या ङ्योइ सेइमुँ।