भजनमैं 65:9 - परमेश्‍वरए ताँ तमु क्युइर

⁹ क्हिजी पृथ्बीए वास्ता लमुँ, धै नाँ कुलमिंसि स प्हाँमिंमुँ, क्हिजी चर ल्हें रा-रोमैं रोमिंमुँ। म्हिमैंए ल्हागिर चबै सैमैं योंरिगे बिसि परमेश्‍वरए स्योंमैं क्युइ प्लिंरिमुँ, तलेबिस्याँ क्हिजी छान् तरिद् बिल।

भजनमैं 65:9 ပူးပေါင်းရင်းမြစ်များ

उत्पत्ति 26:12

चर टिमा इसहाकइ खेति ल्हैदिइ। झाइले याहवेह परमेश्‍वरजी चए फिर आशिक पिंसि च बर्षर चइ ल्हें ल्हें रा-रोमैं खुइ।

भजनमैं 107:37

चमैंइ म्रोंर प्लु प्लुसि अँगुरए धुँमैं या रुँइ, धै छ्याँबै रोमैं रोइ धै योंइ;

भजनमैं 147:14

क्हिए साँदमैंर खीजी प्होंगि तल् आपिं; धै ताँन् भन्दा छ्याँबै गउँ क्हिलाइ पिंमुँ।

भजनमैं 46:4

स्यों घ्रि मुँ, च स्योंइ ताँन् भन्दा थेबै परमेश्‍वरए म्हिमैं टिबै सहर नेरो खी टिबै पबित्र क्ल्ह्‍यो सैं तोंल् लम्।

भजनमैं 63:1

ओ परमेश्‍वर, क्हि ङए परमेश्‍वर ग; ङए सैं न्होंइले क्हिए साँ खरिम्, क्यु आरेसि कारयाबै बाँजो क्‍ल्‍ह्‍योर क्यु पिब्मैंइ क्यु म्हैब् धोंले ङए ज्युइ क्हिलाइन म्हैब्मुँ।

भजनमैं 65:11

क्हिजी ठिक त्हेर ल्हें रा-रोमैं योंल् पिंम्। धै क्हिए भकारिमैं खोंयोंन् बिलै प्लिंरिम्।

चेला चिब्मैंए केमैं 14:17

दिलेया खीजी क्हेमैंए फिर ल्हयो खसि स्वर्गउँइँले नाँ कुलसि रा-रोमैं रोबै त्हेर क्हेमैं चल् योंरिगे बिसि ल्हें रोमैं रोमिंइ धै क्हेमैं सैं तोंल् पिंइ। छाबै के लसि क्हेमैंए उँइँर परमेश्‍वरजी खीए ग्वाइ पिंइँमुँ।”

दर्शन 22:1

च लिउँइँ च स्‍वर्गदूतइ खोंयोंइ आखाँबै छ्ह पिंबै क्‍यु मुँबै स्‍यों ङलाइ उँइँइ। च स्‍यों बेल्‍ले टल्‍कदिबै तुथु धोंले वाँ-वाँ ब्योंब् मुँल। च स्‍यों परमेश्‍वर नेरो क्‍यु च्हजए राजगद्दिउँइँले त्होंसि,

रूथ 1:6

ह्रोंसए ह्‍युलर्बै म्हिमैंलाइ याहवेहजी आशिक पिंसि चब-थुँब् पिंइमुँ रो बिबै ताँ नाओमीइ मोआब ह्‍युलर थेइ। छतसि नाओमी नेरो चए चोंमैं ह्रोंसए धिंर एह्‍याबै सैं लइ।